ՀՀ կառավարությունն ուրբաթ կայացած նիստի ժամանակ ավելի քան 9,1 մլն դրամ (ավելի քան 25 հազար դոլար) է հատկացրել հոկտեմբերի 5-ին Ուսուցչի օրվա տոնակատարության կազմակերպմանը։
Ինչպես հայտնեց ՀՀ ԿԳ նախարար Արմեն Աշոտյանը, Ուսուցչի օրվա հանդիսավոր տոնակատարությունը տեղի կունենա Հայաստանի Օպերայի և բալետի ազգային ակադեմիական թատրոնի շենքում, որտեղ կհայտարարվեն լավագույն ուսուցիչների և դաստիարակների անունները։
Միաժամանակ, ինչպես տեղեկացրեց նախարարը, այս տարի հաշվի է առնվել վարչապետ Տիգրան Սարգսյանի անցած տարվա առաջարկը՝ լավագույն ուսուցչին և դաստիարակին ռուսական արտադրության մեքենա նվիրել։ Ինչպես նշեց Աշոտյանը, երկու մեքենաների գնման համար յուրաքանչյուր մեքենայի համար 3,6 մլն դրամ (10 հազար դոլար) կհատկացվի։ -0-
