Հայաստանի Ազգային անվտանգության խորհրդի քարտուղարը նոյեմբերին կայցելի Լեհաստան
22.09.2010,
18:45
Հայաստանի Ազգային անվտանգության խորհրդի քարտուղարը նոյեմբերին կայցելի Լեհաստան
Ազգային անվտանգության խորհրդի քարտուղար Արթուր Բաղդասարյանը նոյեմբերին կայցելի Լեհաստան՝ Ազգային անվտանգության բյուրոյի ղեկավար Ստանիսլավ Կոզեի հրավերով, «Նովոստի-Արմենիա» գործակալությանը հայտնեցին Ազգային անվտանգության խորհրդի մամուլի ծառայությունից։
Բաղդասարյանի այցին վերաբերող հարցն է քննարկվել Անվտանգության խորհրդի քարտուղարի և Հայաստանում Լեհաստանի Հանրապետության արտակարգ և լիազոր դեսպան Զդիսլավ Ռաչինսկու հանդիպման ընթացքում։
Այցի ընթացքում նախատեսվում է հայ-լեհական երկկողմ հարաբերություններին վերաբերող հարցերի լայն շրջանակի քննարկում, այդ թվում` Հայաստանի Ազգային անվտանգության խորհրդի ևԼեհաստանի Ազգային անվտանգության բյուրոյի միջև համագործակցության հուշագրի և 2010-2012 թվականների համագործակցության ծրագրի ստորագրում: -0-
Պատճենել հղումը
