Բեդրոս Կիրկորովը պատրաստ է համերգ տալ Երևանում
ասաց նա՝ պատասխանելով «Նովոստի-Արմենիա» գործակալության հարցին։
Բեդրոս Կիրկորովն ավելացրեց նաև, որ Հայաստանի պետական ֆիլհարմոնիայի փոխտնօրենը խոստացել է օժանդակել այս հարցում։
Նշելով, որ հաճույքով կգա Հայաստան, արտիստն ասաց, որ նրան շատերն են հրավիրել Երևան համերգով հանդես գալու, այդ թվում՝ հայտնի խորհրդային կոմպոզիտոր և դաշնակահար Առնո Բաբաջանյանը և էստրադային պետական նվագախմբի ղեկավար Կոնստանտին Օրբելյանը, սակայն այդ ծրագրերն իրականացնել չհաջողվեց։
Միաժամանակ նա հայտնեց, որ առաջին անգամ Հայաստան է եկել 1963 թվականին և այդ ժամանակ հայկական երգի անվճար երեկո է անցկացրել Լենինականում (ներկայում՝ Գյումրի)։
«Հավաքվել էին Բուլղարիայից ժամանած, ինչպես նաև Լենինականում բնակվող հայերը»,- ասաց Կիրկորով ավագը։
Խոսելով Հայաստանում իր որդու, ռուսական էստրադային հայտնի երգիչ Ֆիլիպ Կիրկորովի ելույթի հնարավորության մասին՝ նա ասաց, որ «եթե շահագրգռվածություն լինի, Ֆիլիպը կժամանի Երևան»։ -0-
