ՀՀ վարչապետը հուշամեդալ է հանձնել ԿԲ նախկին նախագահ Իսահակ Իսահակյանին

Այսօր կառավարությունում վարչապետ Տիգրան Սարգսյանը Հայաստանի Հանրապետության վարչապետի հուշամեդալ է հանձնել ՀՀ ԿԲ նախկին նախագահ, ԿԲ նախագահի խորհրդական Իսահակ Իսահակյանին, չորեքշաբթի «Նովոստի-Արմենիա» գործակալությանը հայտնեցին կառավարության մամուլի ծառայությունից:

ՀՀ կենտրոնական բանկը ձևավորվել է 1993թ.-ի մարտի 27-ին, առաջին նախագահն է դարձել Իսահակ Իսահակյանը:

ՀՀ վարչապետի ս.թ. օգոստոսի 10-ի որոշմամբ Իսահակ Իսահակյանը պարգևատրվել է վարչապետի հուշամեդալով` պետական կառավարման համակարգում ունեցած երկարամյա անբասիր գործունեության և ֆինանսական համակարգի կայացման ու զարգացման գործում ունեցած ակնառու վաստակի և ներդրած ավանդի համար: -0-