Երևանի պետական համալսարանի ռեկտորը հերքել է իր հրաժարականի մասին խոսակցությունները

ԵՐԵՎԱՆ, 31 օգոստոսի. /Նովոստի-Արմենիա/. Երևանի պետական համալսարանի ռեկտոր Արամ Սիմոնյանը հերքել է զբաղեցրած պաշտոնից հեռանալու մասին խոսակցությունները։

Տեղական ԶԼՄ-ներում արծարծվում է մինչև լիազորությունների ժամկետի լրանալը Սիմոնյանի հրաժարական տալու մասին խոսակցությունները։ Հնարավոր թեկնածու է դիտվում ՀՀ նախագահի եղբայրը՝ ԵՊՀ աստվածաբանական ֆակուլտետի հայկական եկեղեցու պատմության ամբիոնի վարիչ Լևոն Սարգսյանին։

«Ռեկտոր ընտրվելուց դեռ երկու ամիս էլ չէր անցել, երբ սկսվեցին այդ խոսակցությունները։ Դա հինգ տարի առաջ էր, և մինչև հիմա ԶԼՄ-ները պարբերաբար հայտարարում են, որ ես իբր պետք է ազատման դիմում ներկայացնեմ կամ ինձ պետք է փոխարինեն»,- երեքշաբթի լրագրողներին ասաց Սիմոնյանը։

Նա կոչ է արել ԶԼՄ-ների ներկայացուցիչներին չհավատալ «նման բամբասանքներին»՝ հավատացնելով, որ պատրաստվում է աշխատել ողջ ժամանակահատվածում, որի համար ընտրվել է։

Սիմոնյանի՝ Հայաստանի գլխավոր բուհի ռեկտորի պաշտոնի լիազորությունը  սպառվում է 2011թ.-ի մայիսին։

Նա հայտնեց, որ իր լիազորության ժամկետի ավարտից հետո ԵՊՀ ուսանողական խորհուրդն, անկասկած, նոր ռեկտորի արժանի թեկնածու կընտրի։

«Եվ նախագահի եղբայրը, և ցանկացած դոկտոր պրոֆեսոր, այդ թվում նաև ես, կանոնակարգի համաձայն, իրավունք ունենք մեր թեկնածությունները դնել ռեկտորի պաշտոնի համար»,- ասաց Սիմոնյանը։ -0-