Դոնեցկի «Շախտյոր»-ը պաշտոնապես հաստատել է ՀՀ հավաքականի խաղացողին գնելու մասին տեղեկատվությունը

Դոնեցկի «Շախտյոր»-ը պաշտոնապես հաստատել է ՀՀ հավաքականի կիսապաշտպան Հենրիխ Մխիթարյանին հավաքականի կազմում ներգրավելու մասին տեղեկատվությունը։

Ինչպես նշվում է ակումբի պաշտոնական ինտերնետ կայքում, նման դեպքերի համար ենթադրվող բոլոր փաստաթղթերը ստորագրված են, որոնք պաշտոնապես ամրագրում են Դոնեցկի  «Մետալուրգ»-ից դեպի «Շախտյոր» հայ կիսապաշտպանի անցումը։ Պայմանագիրը հաշվառված է 5 տարով, փոխանցման գումարը 7,5 մլն ԱՄՆ դոլար է կազմում։

Հենրիխ Մխիթարյանը ծնվել է 1989թ.-ի հուվարի 21-ին Երևանում։Պրոֆեսիոնալ կարիերան սկսել է  հայկական «Փյունիկ»-ում, որի կազմում 69 խաղ է անցկացրել և 30 գոլ  խփել։ 2009/2010 սեզոնից հանդես է եկել  Դոնեցկի «Մետալուրգ»-ի կողմից՝ 36 մրցախաղ է խաղացել և 12 գնդակ ուղարկել դարպաս։

Մխիթարյանը ՀՀ ազգային հավաքականի խաղացող է, որի կազմում 15 մրցախաղ է անցկացրել և 2 գոլ խփել։

2006, 2007, 2008, 2009թթ.-ի Հայաստանի չեմպիոն է, 2009թ.-ի Հայաստանի գավաթի հաղթող, 2007, 2008թթ.-ի Հայաստանի Սուպերգավաթի հաղթող, 2009թ.-ի Հայաստանի լավագույն ֆուտբոլիստ։ -0-