Հավաքական անվտանգության պայմանագրի կազմակերպության կանոնադրական փաստաթղթերի փոփոխությունները պատրաստ կլինեն դեկտեմբերին, ուրբաթ ՀԱՊԿ ոչ պաշտոնական գագաթնաժողովից հետո հայ գործընկերոջ՝ Սերժ Սարգսյանի հետ համատեղ մամուլի ասուլիսի ժամանակ ասաց ՌԴ նախագահ Դմիտրի Մեդվեդևը։
ՀԱՊԿ անդամ-պետությունների երկօրյա ոչ պաշտոնական գագաթնաժողովը մեկնարկել է Երևանում օգոստոսի 20-ին: Գագաթնաժողվին մասնակցում են հինգ պետություններ՝ Հայաստանը, Ռուսաստանը, Ղազախստանը, Բելառուսը, Ղրղզստանը և Տաջիկստանը:
«Մենք քննարկել ենք ՀԱՊԿ հակաճգնաժամային արձագանքման նոր մեխանիզմը, և բոլորն այն եզրակացության են եկել, որ Ղրղզստանի իրադարձություններից քաղած դասերը մեզ ստիպում են, որ մեխանիզմն առավել արդյունավետ դարձնենք։ Ին՞չ է պահանջվում դրա համար։ Պետության կամքը՝ այսօր այդ կամքն արտահայտվել է, և դեկտեմբերին պատրաստ կլինեն ՀԱՊԿ կանոնադրական փաստաթղթերի փոփոխությունների վերաբերյալ առաջարկները, որոնք մեր գործունեության հիմք են ծառայում, որպեսզի այնտեղ առավել արդյունավետ ինստիտուտներ հայտնվեն, հնարավոր է՝ առավել ընդլայնված լիազորություններով»,- ասաց Մեդվեդևը։
Ըստ նրա, նման որոշումները կայացվում են կոնսենսուսով, բայց ամեն դեպքում բոլորը հասկանում են, որ մի շարք դեպքերում կազմակերպությունը պետք է առավել արագ և արդյունավետ գործի։ Ինչպես նշեց Մեդվեդևը, ՀԱՊԿ-ն ուշադիր կհետազոտի այն փորձը, որը գոյություն ունի այլ կազմակերպություններում, որոնք առավել երկար պատմություն ունեն, օրինակ՝ ՆԱՏՕ-ն, ԵՄ-ը և ՄԱԿ-ը։
«Այդ պատճառով այս փորձը պետք է ուսումնասիրել, և Կազմակերպության քարտուղարությունը այն կվերլուծի և կներկայացնի ուսումնասիրության»,- ասաց Մեդվեդևը։
ՀՀ նախագահ Սերժ Սարգսյանն իր հերթին նշեց, որ կողմերը խոսել են ՀԱՊԿ-ում ճգնաժամային արձագանքման հեռանկարային մեխանիզմների ձևավորման անհրաժեշտության մասին։ Ըստ նրա, սա հասարակ հարց չէ, բայց շատ արդիական է, և այդ թեման ՀԱՊԿ անդամ պետությունների ղեկավարների կողմից բարձրացվել է այս տարվա մայիսին։
«Այսօր մենք ծանոթացանք այն առաջնային առաջարկներին, որոնք առաջ էր քաշել քարտուղարությունը ավելի վաղ կայացած քննարկումներից հետո։ Մտքերի փոխանակումն արդեն առավել առարկայական և հանգամանալի էր։ Այդ կապակցությամբ, հաշվի առնելով մեր տարածաշրջանում ստեղծված իրավիճակը, ես ներկայացրել եմ հետագա հավաքական քայլերի մեր տեսությունը՝ այդ ուղղությամբ»,- նշեց ՀՀ նախագահը։
1992թ.-ի մայիսին ստեղծված ՀԱՊԿ-ի անդամ-պետություններն են Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանը և Ուզբեկստանը։ -0
