Սարգսյանը ՀԱՊԿ մոտալուտ գագաթնաժողովին վերաբերող հարցեր է քննարկել Բորդյուժայի հետ

ՀՀ նախագահ Սերժ Սարգսյանը չորեքշաբթի Հավաքական անվտանգության պայմանագրի կազմակերպության գլխավոր քարտուղար Նիկոլայ Բորդյուժայի հետ քննարկել է ՀԱՊԿ շրջանակում համագործակցությանը և Կազմակերպության`  օգոստոսի 20-22-ը Հայաստանում անցկացվելիք ոչ պաշտոնական գագաթնաժողովին վերաբերող հարցեր, հաղորդում է հայկական պետության ղեկավարի մամուլի ծառայությունը։

«Զրուցակիցները կարևորել են ՀԱՊԿ կառույցների ձևավորման գործընթացի  աշխույժ դինամիկան պահպանելու և այդ կառույցներին վերաբերող  իրավապայմանագրային դաշտն ամբողջացնելու անհրաժեշտությունը»,- ասվում է հաղորդագրության մեջ։

Երևանում ՀԱՊԿ գագաթնաժաղովի ընթացքում կդիտարկվեն տարածաշրջանային անվտանգության խնդիրներ, այդ թվում ժամանակակից մարտահրավերների և սպառնալիքների հանդեպ հակազդեցության ոլորտում ՀԱՊԿ անդամ երկրների գործակցությունը։ -0-