Օգոստոսի 11-ին նշվող հին հայկական Նոր տարին` Նավասարդը, նշանավորում է Հայկի հաղթանակը Բելի դեմ

ԵՐԵՎԱՆ, 11 օգոստոսի./Նովոստի-Արմենիա/. Նավասարդը` հին հայկական Նոր տարին, նշանավորում է հայ ժողովրդի նախահայր Հայկի հաղթանակը բաբելոնյան բռնակալ Բելի դեմ, ասաց ՀՀ  ԳԱԱ պատմության կենտրոնի ականավոր աշխատակից, հայկական դիցաբանության ազգագրագետ և մասնագետ Գոհար Վարդումյանը:

Առասպելի համաձայն, շուրջ 4500 տարի առաջ Հայկ Նահապետը (հայ ժողովրդի նախահայրը) կոտորել է բաբելոնյան բռնակալ Բելի զորքն ու սկիզբ դրել ապագա հայկական պետությանը:

«Այդ օրը` օգոստոսի 11-ը, հին հայկական օրացույցի համաձայն, Նոր տարվա սկիզբ է դարձել, որն անվանում են Նավասարդ: «Նավասարդ» բառը թարգմանվում է որպես «նավա»- նոր, «սարդ»- տարի»,- չորեքշաբթի մամուլի ասուլիսի ժամանակ ասաց Վարդումյանը:

Նա նշեց, որ այս օրը տոնական միջոցառումներ են անցկացվել հայկական պետության ողջ տարածքով, Նավասարդը տոնել է ողջ թագավորական ամրոցը, զինվորականներն ու հասարակ ժողովուրդը:

«Այս տոնը նվիրվել է բոլոր հեթանոսական աստվածներին: Ժողովուրդը հավատում էր, որ այդ օրն աստվածներն իջնում են երկնքից Արածանի գետը, իսկ այնուհետև բարձրանում են երկինք և այդտեղից մասնակցում են Նավասարդի տոնակատարությանը»,- ասաց նա:

Վարդումյանը նշեց, որ այդ օրը ցուլ են զոհաբերել, իսկ նրա արյունից մասնակիցների ճակատներին նշան են արել: Ըստ նրա, այդ օրը սեղանները լի են եղել զանազան ճաշատեսակներով, քաղցրավենիքներով և չոր մրգերով:

Փորձագետը նաև նշեց, որ ժամանակակից հայ ազգագրագետները բազմաթիվ անգամ դիմել են պետական բարձր ատյաններ, որպեսզի Նավասարդին պաշտոնական տոնի կարգավիճակ տան: -0-