Լույս է տեսել «Առաջին քայլեր դեպի Հայ Առաքելական Եկեղեցի» աուդիոգիրքը
Հայ Առաքելական Եկեղեցու Նոր Նախիջևանի և Ռուսական Թեմի ղեկավար Եզրաս եպիսկոպոս Ներսիսյանի օրհնությամբ լույս է տեսել «Առաջին քայլեր դեպի Հայ Առաքելական Եկեղեցի» աուդիոգիրքը, հաղորդում է miasin.ru պորտալը։
Աուդիոգիրքը Հայ Առաքելական Եկեղեցու Նոր Նախիջևանի և Ռուսական Թեմի առաջին ռուսալեզու հրատարակությունն է աուդիոֆորմատով։Եկեղեցին նոր ձևաչափով առաջարկում է ծանոթանալ բազմադարյա ավանդություններին, պատմում է Նրա պահպանած հայ ժողովրդի հոգևոր ժառանգության մասին։
Նկատի առնելով կյանքի ժամանակակից ռիթմը և ժամանակի պակասը ընթերցանության համար ընդհանուր առմամբ և հոգևոր-լուսավորչական գրականության համար մասնավորապես՝ Եկեղեցին տեղեկատվություն է տրամադրում հենց այն ձևաչափով, որն ավելի հարմար է ընկալման համար։
Գրքի հիմնական նպատակն է պատմել քրիստոնեության հիմքերի և Հայկական Եկեղեցու մասին՝ ուշադրություն հրավիրելով նրան, որ նույնիսկ ամենաանկեղծ հավատքը կարող է անհիմն մնալ, եթե այն կապված չէ Եկեղեցու հիմնարար ուսմունքի հետ։ Աուդիոգրքում զետեղված են ցանկացած հավատացյալ մարդուն հետաքրքրող առավել կարևոր հարցերի պատասխաններ։
Տեքստը կարդում է Ռուսաստանի վաստակավոր արտիստ Գեորգի Բալյանը։ Գրքի ստեղծման վրա աշխատել են Հայր Անանիան (Բաբայան), Դավիթ և Գեորգի Կաբասովները, Դավիթ Բեկնազարյանը, Վլադիմիր Հակոբջանովը և Մարիա Նազարովան։ Ձայնագրումը կատարվել է «ԱրմԱուդիո» հրատարակչության աջակցությամբ, շնորհիվ Արթուր Խաչատուրովի և Ռուբեն Սարդարյանի։
Աուդիոգիրքը կարելի է ձեռք բերել Ռոստովի մարզերի հայկական եկեղեցիներում և հայկական ինտերնետ-խանութներում, այդ թվում՝ ArmeniaOnline.Ru ինտերնետ-խանութում։ -0
