ՀՀ Արդարադատության նախարարության Դատական ակտերի հարկադիր կատարման ծառայության աշխատակիցները հաջող ելույթ են ունեցել «Հատուկ նշանակության ծառայություններն ընդդեմ տեռորի թմրանյութերի վտանգի» խորագրով ՀԱՊԿ գավաթի Համակարգային մենամարտի VIII միջազգային մրցաշարում, որն անցկացվել է հուլիսի 12-15-ը Եկատերինբուրգում, հաղորոդւմ է ԴԱՀԿ-ի մամուլի ծառայությունը:
Մասնավորապես, ԴԱՀԿ ծառայության հարկադիր կատարման օպերատիվ բաժնի աշխատակից, առաջին կարգի խորհրդատու, արդարադատության լեյտենանտ Հարություն Սիմոնյանը մինչև 70 կգ քաշային կարգում զբաղեցրել է 3-րդ տեղը, օպերատոր Քնարիկ Խաչատուրյանը պարգևատրվել է «Հաղթանակի կամք» պատվոգրով, իսկ արդարադատության կապիտան Սասուն Հայրապետյանի տարած 2 հաղթանակների շնորհիվ Հայաստան Հանրապետության թիմը զբաղեցրել է նաև ընդհանուր թիմային 3 տեղը:
Մրցաշարը կազմակերպվում է տարին մեկ անգամ Հավաքական անվտանգության պայմանագրի կազմակերպության և Համակարգային մենամարտի միջազգային ֆեդերացիաի կողմից: Այս տարի այն անցնում էր «Հատուկ նշանակության ծառայություններն ընդդեմ տեռորի թմրանյութերի վտանգի»:
Մրցաշարին մասնակցում էր Ռուսաստանի Դաշնության, Ղազախստանի, Ուկրաինայի, Ղրղզստանի, Տաջիկստանի Բելառուսի և Հյուսիսային Վիետնամի ուժային կառույցների թվով 150 աշխատակից:-0-
