Փորձագետները հայտնաբերել են Facebook-ի հայկական տարբերակը գրոհած հակերներին
07.07.2010,
18:07
Փորձագետները հայտնաբերել են Facebook-ի հայկական տարբերակը գրոհած հակերներին
Մասնագետները հայտնաբերել են Facebook սոցիալական ցանցի հայկական տարբերակի վրա կատարած հակերային գրոհի կազմակերպիչներին, չորեքշաբթի «Նովոստի-Արմենիա» գործակալությանը հայտնեց ցանցի վերականգնմամբ զբաղվող տեղեկատվական անվտանգության փորձագետ Տիգրան Քոչարյանը։
Facebook-ի հայկական տարբերակը հուլիսի 5-ին ենթարկվել է ադրբեջանցի հակերների գրոհին, ինչի արդյունքում կայքում թուրք-ադրբեջանական արտահայտություններ են հայտնվել։ Մեկ գիշերից հետո ցանցը գործնականորեն ամբողջությամբ վերականգնվել է։
«Facebook-ում արդեն գտնվել է ադրբեջանական խումբը, որը կազմակերպել է այդ գրոհը, և կայքի ադմինիստրացիաներին առաջարկ է ուղղվել փակել խումբը և արգելափակել այդ գրոհին մասնակցած խմբի մասնակիցներին»,- ասաց Քոչարյանը։ -0
Պատճենել հղումը
