Ռուսաստանն ու ԱՄՆ փորձում են համաձայնության հասնել. քաղաքագետ
Այսօրվա դրությամբ ռուս-ամերիկյան փոխհարաբերություններում շատ ուղղություններով ինչ-որ համաձայնության հասնելու փորձ է կատարվում, չորեքշաբթի մամուլի ասուլիսի ժամանակ ասաց Կովկասի ինստիտուտի տնօրեն, քաղաքագետ Ալեքսանդր Իսկանդարյանը։
Միաժամանակ, ըստ նրա՝ այդ ուղղությունների մեջ են մտնում նաև այն թեմաները, որոնք հետաքրքրում են Հայաստանին, օրինակ՝ ռուս-թուրքական հարաբերությունները։ Միաժամանակ Իսկանդարյանը նշեց, որ Ռուսաստանը բավականin զուսպ դրական է նայում այդ փուլին։
«Ինձ չի թվում, որ այն (փուլը) երկար կտևի՝ ռուսներն ու ամերիկացիները բավականին շատ խնդիրներ ունեն փոխհարաբերություններում, բայց այսօրվա դրությամբ լուրջ վերլուծաբանների շուրթերից մենք զուսպ օպտիմիստական տոն ենք լսում»,- ասաց նա։
Այս կապակցությամբ քաղաքագետն ավելացրեց, որ փաստորեն ԱՄՆ նախագահ Բարաք Օբամայի՝ Ռուսաստանի «և նրա շուրջ վարած քաղաքականությունը սկսում է ձևավորվել մեկից քիչ ավելի տարի անց» (նրա պաշտոնին անցնելուց հետո)։ -0-
