ՀՀ Կոտայքի մարզում լճակում տղամարդ է խեղդվել

Տղամարդ է խեղդվել Հրազդան քաղաքից ոչ հեռու գտնվող «Ծովինար» ռեստորանին հարակից լճակում, երեքշաբթի «Նովոստի-Արմենիա» գործակալությանը հայտնեցին հանրապետության Փրկարար ծառայությունից։

Նախորդ շաբաթ օրը Կոտայքի մարզից տեղեկություն է ստացվել, որ Հրազդան քաղաքի մերձակայքում գտնվող «Ծովինար» ռեստորանին մոտ գտնվող լճակը տղամարդ է ընկել:

Դեպքի վայր են մեկնել մարզային փրկարարական վարչության փրկարար ջոկատը, օպերատիվ խումբը և փրկարարական ուժերի վարչության ջրափրկարար-ջրասուզակների օպերատիվ խումբը:

Դեպքի վայրում պարզվել է, որ լճակն է ընկել Կոտայքի մարզի Հրազդան քաղաքի բնակիչ  31-ամյա Ռուսլան Միքայելյանը:

Հուլիսի 5-ին Միքայելյանի դին հայտնաբերվել և դուրս է բերվել ջրից, այնուհետև հանձնվել «Շտապօգնության» բրիգադին: -0-