Համացանցից օգտվող հայերին գրավում են տեղեկատվական և երաժշտական կայքերը. հարցում

ԵՐԵՎԱՆ, 29 հունիսի. /Նովոստի-Արմենիա/. Համացանցից օգտվող հայերն ամենից շատ այցելում են տեղեկատվական կայքեր և MP3-, կինո- և վիդեոռեսուրսներ, այսպիսին են www.telecom.arka.am կայքում անցկացված օն-լայն հարցման տվյալները։

Համաձայն օն-լայն հարցման տվյալների, տեղեկատվական կայքեր է այցելում օգտագործողների 44,6 տոկոսը, MP3-, կինո- և վիդեոռեսուրսներ՝ հարցվածների 20,6 տոկոսը։

Անցկացված հարցումը ցույց է տվել, որ սոցիալական ցանցերից և Ինտերնետի այլ ռեսուրսներից օգտվում է հարցվածների համապատասխանաբար 12 և 13,5 տոկոսը։

Զգալիորեն քիչ են ժամանցային կայքեր այցելողները՝ 5,7 տոկոս։

Օն-լայն հարցումն անցկացվել է 2010 թվականի մարտի 24-ից հունիսի 28-ը։ Հարցմանը մասնակցել է 350 հոգի։ -0-