Հայաստանում ՌԴ ԱԴԾ Սահմանապահ վարչության սահմանապահ ջոկատի Արտաշատի հատվածում 2010թ. հայ-թուրքական սահմանը խախտելու փորձեր չեն եղել. շաբաթ օրը լրագրողներին ասաց ջոկատի ղեկավար, գնդապետ Վիլսուր Զյանչուրինը:
Հայաստանում ՌԴ ԱԴԾ Սահմանապահ վարչության Արտաշատի սահմանապահ ջոկատը, որն այս օրերին նշում է իր 55-ամյակը, պահպանում է հայ-թուրքական սահմանի հատվածը: Հիսունհիգն տարվա ընթացքում Արտաշատի սահմանապահ ջոկատի զինծառայողները ձերբակալել են պետական սահմանի 3 հազար խախտողների, թշնամու հարյուրավոր գործակալների, բռնագրավել են հազար միավոր հրազեն և սառը զենք:
Զյանչուրինի խոսքերով՝ նախորդ տարվա արդյունքներով` ողջ սահմանապահ վարչության հատվածում պետական սահմանի խախտման համար ձերբակալված ինը անձանցից յոթը ձերբակալվել է Արտաշատի սահմանապահ ջոկատի զինծառայողների կողմից:
«Այդ պատճառով թշնամիները, իմանալով դա, տեսնելով, թե ինչպես ենք մենք պահպանում պետական սահմանը, հրաժարվել են իրենց մտադրություններից, և այս տարի պետական սահմանի խախտման փորձեր չեն գրանցվել», - ասել է ջոկատի հրամանատարը:
Նրա խոսքերով` այս ժամանակահատվածում ձերբակալվել է սահմանային ռեժիմի մի քանի խախտող: Զյանչուրինը նշել է, որ այդ մարդիկ չգիտեին, որ սահմանային գոտում անհրաժեշտ է ներկայացնել անհրաժեշտ փաստաթղթեր և անցագրեր:
«Սակայն դրանք աշխատանքային պահեր, որոնք կապված չեն պետական սահմանի խախտման փորձերի հետ», - նշել է Զյանչուրինը:
Սահմանապահ վարչության հատվածում պետական սահմանի հսկումն իրականացվում է Ռուսաստանի և Հայաստանի գործող օրենսդրությունների պահանջներին, ինչպես նաև 1992թ.-ին ստորագրված «Հայաստանի տարածքում գտնվող ՌԴ սահմանապահ զորքերի կարգավիճակի մասին» պայմանագրին և այս պայմանագրին կից հավելյան համաձայնագրերին համապատասխան:
Հայաստանի տարածքում գործում է Ռուսաստանի Անվտանգության դաշնային ծառայության Սահմանապահ վարչության 58 սահմանապահ ուղեկալ: --0--
