Հնագետները պարզել են Հայաստանում գտնված հնագույն կաշվե «ոտնամանի» ճշգրիտ տարիքը

Հնագետները պարզել են Հայաստանում 2008 թվականին գտնված հնագույն կաշվե «ոտնամանի» ճշգրիտ տարիքը։ Ոտնամանն ուսումնասիրությունների արդյունքում կոշկակարության արվեստի աշխարհի հնագույն նմուշն է, այն մոտ հինգ հազար տարեկան է, ասվում է  PLoS ONE ամսագրում հրապարակված Հայաստանի, Իռնադիայի, Բրիտանիայի, Իսրայելի և ԱՄՆ-ի մի խումբ գիտնականների հոդվածում, հաղորդում է «ՌԻԱ Նովոստին»։  

Կաշվե կոշիկի հնագույն նմուշը գտնվել է Արենի-1 քարանձավում՝ էնեոլիթի դարաշրջանի (պնձաքարե դարաշրջան) բնակավայրի պեղումների ժամանակ։

Հնդկական մոկասիններ հիշեցնող «ոտնամանը» պատրաստված է կաշվի մեկ կտորից, ունեցել է 23,5 սանտիմետր երկարություն (ինչը համապատասխանում է 37-րդ համարին) և 7,6-ից տասը սանտիմետր լայնություն։ Դատելով ձևից՝ այն կրել են աջ ոտքին։ Այն պահին, երբ հնագետները հայտնաբերել են այդ մոկասինը, այն լցված է եղել ծղոտով, և, հնարավոր է՝ պատրաստված է եղել նորոգման կամ երկարատև պահպանման համար։

Այդ ոտնամանի կաշվի երեք նմուշ ուղարկվել է Օքսֆորդ և Իրվինում գտնվող Կալիֆոռնիայի համալսարան՝ ռադիոածխածնային մեթոդի օգնությամբ տարեթվի որոշման նպատակով։ Տվյալները ցույց են տվել, որ կոշիկի այս նմուշը պատրաստվել է մ.թ.ա. 3627-ից 3377 թվականների միջև ընկած ժամանակահատվածում կամ մոտ 5 հազար տարի առաջ։

Նախկան այս գտածոն, հնագույն հայտնի կաշվե կոշիկը հայտնաբերվել է մի քանի հազար տարի առաջ ալպյան սառցադաշտերում սառած և 1991 թվականին գտնված Օտցի (Oetzi) «տիրոլյան սառցե մարդու» ոտքերին։ Նրա մնացորդները տարեգրվում են մ.թ.ա. 3365-ից 3118 թվականներին։ Սառցե մարդու ոտքերին եղել են եղջերվի կամ արջի կաշվից պատրաստած «գուլպաների» հատվածներ։ -0-