«Մասիս» տեսակավորման կայարանը փոխանցվել է Երևանի ԳԿՄ-ին
«Մասիս» տեսակավորման կայարանը «ՀարավԿովկասյան երկաթուղի» ՓԲԸ գլխավոր տնօրեն Շևքեթ Շայդուլլինի հրամանով 2010թ.-ի հունիսի 1-ից ներառվել է Երևան գծային-կայարանային միավորման կազմում, հաղորդում է ընկերության մամուլի ծառայությունը։
«ՀԿԵ կառուցվածքում նման փոփոխությունը կապված է արտադրական անհրաժետշությամբ՝ փոխադրման գործընթացի կառավարման համակարգի կատարելագործման, շարժման կառավարման կառուցվածքի տեխնոլոգիաների, կատարողական կարգապահության բարձրացման, շահագործական աշխատանքի կազմակերպման որակի և օպերատիվության բարձրացման նպատակով»,- ասվում է հաղորդագրությունում։
«Համապատասխանաբար, փոփոխություններ տեղի կունենան Մասիս և Երևան կայարանների տեխնոլոգիական գործընթացներում։ Մասիս կայարանի աշխատակիցների ազատված կազմն աշխատանքի կտեղավորվի «ՀԿԵ» ՓԲԸ տարբեր կառուցվածքային ստորաբաժիններում»,- նշեցին մամուլի ծառայությունից։
«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝ «Հայկական երկաթունիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0--
