Տղամարդու դիակը հայտնաբերել են Երևանի կենտրոնի իր բնակարանում

ԵՐԵՎԱՆ, 12 մայիսի. /Նովոստի-Արմենիա/. Մայիսի 11-ին, ժամը 15.37-ին Կենտրոնի ոստիկանության բաժնից տեղեկություն է ստացվել, որ Երեւանի Խորենացու 27/71 հասցեի բնակիչը չի արձագանքում հեռախոսի եւ դռան զանգերին, եւ անհրաժեշտ է փրկարարների օգնությունը, տեղեկացնում է ՀՀ ԱԻՆ Փրկարար ծառայությունը:

Դեպքի վայր է մեկնել փրկարարական ուժերի վարչության հատուկ փրկարարական ջոկատի հերթապահ խումբը:

Ժամը 16.23-ին ոստիկանության աշխատակիցների ներկայությամբ բացվել է բնակարանի դուռը, որտեղ հայտնաբերվել է 1945 թ. ծնված Յուրի Համբարձումյանի դին:-0-