Մարինա Ալեսի համերգի հասույթը կուղղվի քաղցկեղով հիվանդ երեխաների աջակցությանը

ԵՐԵՎԱՆ, 5 մայիսի. /Նովոստի-Արմենիա/. Երևանում մայիսի 7-ին կայանալիք «Մարինա Ալես և ընկերներ» բարեգործական համերգի հասույթը կուղղվի քաղցկեղով հիվանդ երեխաների աջակցությանը, ասաց բանաստեղծուհի Մարինա Ալեսը։   

«Համերգի հիմնական նպատակը հայ ժողովրդին միաբանելն է քաղցկեղով հիվանդ երեխաների աջակցության շուրջ։ Երեխաներին շատ հեշտ է բուժել և հեշտ է կորցնել։ Ո՞վ գիտի, կարող է, նրանց մեջ մեծանում է նոր Խաչատրյան կամ շախմատի չեմպիոն Պետրոսյան»,- երեքշաբթի «Նովոստի» միջազգային մամուլի կենտրոնում տեղի ունեցած մամուլի ասուլիսի ընթացքում ասաց Ալեսը։  

Նախագծի պրոդյուսեր Թովմաս Մարտիրոսյանի խոսքերով, համերգային ծրագրում կընդգրկվեն Մարինա Ալեսի «Ոտաբոբիկ՝ երկնքով» սկավառակի բոլոր 12 երգերը։

Ալեսը կարծում է, համերգային ծրագրում Աննա Մայիլյանի, Գևորգ Հակոբյանի, սիմֆոնիկ նվագախմբի, «Կադանս» համույթի և այլ երաժիշտների մասնակցությունը թույլ կտա ներկայացնել «սկավառակը» կենդանի կատարմամբ։

Այս կապակցությամբ ինքը Մարինա Ալեսն ավելացրեց, որ համերգին հրավիրված են սփյուռքահայության մի շարք ներկայացուցիչներ, իսկ ավարտին համերգի բոլոր ներկաները կստանան բանաստեղծուհու «Բեկորներ» բանաստեղծությունների մեկական ժողովածու։

Համերգի մեկ այլ առանձնահատկությունն, ըստ բանաստեղծուհու, այն է, որ որոշ երգեր կհնչեն առաջին անգամ, կհնչեն նաև հին կոմբինացիաներ նոր ոճով։

«Համերգին կմասնակցեն Էռնա Յուզբաշյանը, երգ կհնչի ջազային բացառիկ ոճով հայտնի Լիլիթ Պիպոյանի կատարմամբ»,- ասաց բանաստեղծուհին։ -0-