492.22
6.86
466.87
+19
Եղանակը Երևանում
Հայ

Հայաստանը կփորձի հնարավորինս արդյունավետ օգտագործել Չինաստանի հնարավորությունները. Սարգսյան

10:51
03 Մայիսի 2010

Հայաստանը կփորձի հնարավորինս արդյունավետ օգտագործել Սուժոուի տեխնոպարկի ու Չինաստանի հնարավորությունները, շաբաթ օրը Սուժոուի քաղաքապետ Յան Լիի հետ հանդիպման ժամանակ նշել է ՀՀ նախագահ Սերժ Սարգսյանը:

ՀՀ նախագահը գտնվում է Չինաստանում՝ «Շանհայ-էքսպո-2010» համաշխարհային ցուցահանդեսի բացմանը մասնացկելու նպատակով: Շաբաթ օրը ՀՀ նախագահն այցելել է Ձյանսու նահանգի Սուժոու քաղաք և համանուն տեխնոպարկ և ծանոթացել է այդ հսկայական կառույցի գործունեության հետ:

Սարգսյանը նշել է, որ Հայաստանի ու Չինաստանի քաղաքական հարաբերությունները դրական են, և անհրաժեշտություն կա, որպեսզի տնտեսական հարաբերությունների զարգացման տեմպերը չզիջեն քաղաքականին:

«Այստեղ ես տեսա Չինաստանի նոր հնարավորությունները», - նշել է Սարգսյանը: Հիշեցնելով, որ Չինաստանում է «Շանհայ-Էքսպո-2010»-ի բացմանը մասնակցելու նպատակով՝ ՀՀ նախագահը հավելել է. «Ես ինձ զգում էի ապագայի քաղաքում: Էքսպոյի հիմքում ընկած գաղափարը դուք գրեթե իրականություն եք դարձրել»:

Նա հիշեցրել է, որ երրորդ անգամ է այցելում Չինաստան, սակայն Չինաստանի տնտեսության արտադրական սյուներից մեկը հանդիսացող նահանգում առաջին անգամ է լինում:

Լին իր հերթին, ողջունելով ՀՀ նախագահին, ներկայացրել է իր գլխավորած քաղաքի տպավորիչ ձեռքբերումներն ու իր հերթին պատրաստակամություն է հայտնել երկկողմ հարաբերություններ հաստատել ու զարգացնել հայկական կողմի հետ:

Ապագայի հնագույն քաղաքը

Սուժոուն Չինաստանի ամենախիտ բնակեցված Ձյանսու նահանգի խոշոր և միաժամանակ Չինաստանի հնագույն բնակավայրերից մեկն է: 2500-ամյա քաղաքը հնագույն ժամանակներից Չինաստանի համար կարևոր տնտեսական նշանակություն է ունեցել: Այն եղել և մնում է չինական մետաքսի արտադրության խոշորագույն կենտրոններից մեկը:

Չինաստանում տարբեր ժամանակ իշխած վարչակարգերն առանձնահատուկ կերպով են հոգ տարել այս քաղաքի նկատմամբ, ինչի արդյունքում Սուժոուն ստացել է Չինաստանի «կանաչ մայրաքաղաք» պատվավոր կոչումը, իսկ քաղաքի կենտրոնն ընդգրկվել է ՅՈՒՆԵՍԿՕ-ի համաշխարհային ժառանգության ցանկում: Եվրոպացի զբոսաշրջիկները Սուժոուն երբեմն անվանում են «չինական Վենետիկ»:

Չնայած պատմական նման ժառանգությանը` Սուժոուն այսօր հպարտանում է 21-րդ դարին վայել ձեռքբերումներով ու հնարավորություններով: Հենց այս քաղաքի վարչական տարածքում է գտնվում «Սուժոուի տեխնոպարկը»: Այն Չինաստանի ու Սինգապուրի համատեղ իրագործած նախագիծ է:

Տեխնոպարկի տարածքը կազմում է 288 քկմ (Երևան քաղաքի վարչական տարածքից ավելին) և սփռված է Ձինձի լճի ողջ պարագծով: Նման դիրքը չինացիներին ոչ միայն չի խանգարել, այլև հնարավորություն է ընձեռել որոշ տեխնոլոգիական լուծումների համար օգտագործել հենց լճի ռեսուրսները:

Տեխնոպարկի գործարկման արդյունքում Սուժոուի իշխանություններին հաջողվել է մեկ շնչին ընկնող ՀՆԱ-ի ծավալի ցուցանիշով դուրս գալ հինգերորդ հորիզոնական` զիջելով միայն չինական տնտեսության հսկաներին` Շանհայ, Պեկին, Տյանցզին, Գունաչժոու:

Մի քանի տասնյակ հազար բնակչությամբ գյուղատնտեսական գյուղաքաղաքը 30 տարում վեր է ածվել շուրջ 12 միլիոն բնակչությամբ ժամանակակից արդյունաբերական մեգապոլիսի:

Սուժոուում գտնվող ՀՀ նախագահը նավով զբոսանք է կատարել Ձինձի լճի վրա և անձամբ է համոզվել, որ վերջին 16 տարվա ընթացքում քաղաքում հսկայական աշխատանք է իրականացվել:

ՀՀ նախագահը այցելել է նաև Սուժոուի գիտությունների, մշակույթի և արվեստի կենտրոն: Այս կենտրոնը տեղակայված էր հսկայական շինության մեջ, որն ինքնին արդեն իսկ բազմաթիվ ինժեներական, տեխնոլոգիական ու դիզայներական լուծումներ է բովանդակում:

ՀՀ նախագահը ծանոթացել է կենտրոնի տարածքում կազմակերպված թանգարանի ցուցանմուշներին: Դրանց միջոցով ներկայացվում էր ոչ միայն Սուժոուի տեխնոպարկի ստեղծման պատմությունը, այլև այսօր առկա տեսլականները` մակետների ու կենտրոնի պատերին գրված գաղափարների ձևով:

Այցելության վերջում Սուժոուի քաղաքպետ Յան Լիի անունից ճաշ մատուցվեց, որից հետո հայկական պատվիրակությունը վերադարձավ Շանհայ, որտեղ ՀՀ նախագահ Սերժ Սարգսյանը հանդիպել է Չինաստանի ժողովրդական հանրապետության ղեկավար Հու Ձինտաոյի հետ:-0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
11:32
12 Մայիսի 2022
Միրզոյանն այսօր կմեկնի Դուշանբե, հանդիպելու է Բայրամովի հետ
Միրզոյանն այսօր կմեկնի Դուշանբե, հանդիպելու է Բայրամովի հետ
10:57
12 Մայիսի 2022
ԱՄՆ պետքարտուղարն Ալիևի հետ քննարկել է հայ ռազմագերիների ազատ արձակման հարցը
ԱՄՆ պետքարտուղարն Ալիևի հետ քննարկել է հայ ռազմագերիների ազատ արձակման հարցը
21:35
11 Մայիսի 2022
Առաջիկայում նախատեսվում է Հայաստանի և Ադրբեջանի ԱԳ նախարարների հանդիպումը
Առաջիկայում նախատեսվում է Միրզոյանի և Բայրամովի հանդիպումը
13:55
10 Մայիսի 2022
Ադրբեջանը հայտարարել է, թե «Տավուշի 7 գյուղեր ու Տիգրանաշենը վերադարձվելու են Ադրբեջանի կազմ». Թաթոյանը մեկնաբանել է առաջ եկող վտանգները (ՎԻԴԵՈ)
Ադրբեջանը հայտարարել է, թե «Տավուշի 7 գյուղեր ու Տիգրանաշենը վերադարձվելու են Ադրբեջանի կազմ». Թաթոյանը մեկնաբանել է առաջ եկող վտանգները. ՎԻԴԵՈ
13:32
10 Մայիսի 2022
Ոստիկանությունը Զեյթունում սկսել է բերման ենթարկել երթևեկությունը փակած երթի մասնակիցներին
Ոստիկանությունը Զեյթունում սկսել է բերման ենթարկել  երթևեկությունը փակած երթի մասնակիցներին
13:01
10 Մայիսի 2022
Երևանում մեկնարկել են անհնազանդության ակցիաները. ընդդիմությունը կազմակերպել է 4 երթ
Երևանում մեկնարկել են քաղաքացիական անհնազանդության ակցիաները
21:37
09 Մայիսի 2022
ՀՀ-ում ՌԴ դեսպանը մեկնաբանել է Սոթքի հանքավայրի ուղղությամբ Ադրբեջանի արձակած կրակոցները
ՀՀ-ում ՌԴ դեսպանը մեկնաբանել է Սոթքի հանքավայրի ուղղությամբ Ադրբեջանի արձակած կրակոցները
17:46
08 Մայիսի 2022
Արմավիրի մարզի ՀՅԴ գրասենյակներում խուզարկություններ են սկսվել. Սաղաթելյան
Արմավիրի մարզի ՀՅԴ գրասենյակներում խուզարկություններ են սկսվել
15:50
06 Մայիսի 2022
ՌԴ ԱԳՆ–ն մեկնաբանել է Հայաստանում ստեղծված իրավիճակը
ՌԴ ԱԳՆ–ն մեկնաբանել է Հայաստանում ստեղծված իրավիճակը
15:01
05 Մայիսի 2022
Պեսկովը մեկնաբանել է Հայաստանում տիրող անկայուն իրավիճակը
Կրեմլը մեկնաբանել է Հայաստանում տիրող անկայուն իրավիճակը
13:30
04 Մայիսի 2022
Երևանն ու Վաշինգտոնը հայտարարել են ռազմավարական երկխոսության մեկնարկի մասին (ՎԻԴԵՈ)
ՀՀ ԱԳ նախարար Արարատ Միրզոյանը հանդիպում է ունեցել ԱՄՆ պետքարտուղար Էնթոնի Բլինքենի հետ՝ մեկնարկելու ՀՀ-ԱՄՆ ռազմավարական երկխոսությունը. ՎԻԴԵՈ
18:26
03 Մայիսի 2022
Հստակ տեսակետների անկեղծ փոխանակում և կարգավորում առանց նախապայմանների. տեղի է ունեցել ՀՀ-ի և Թուրքիայի հատուկ ներկայացուցիչների հանդիպումը
Վիեննայում տեղի է ունեցել ՀՀ-ի և Թուրքիայի հատուկ ներկայացուցիչների հանդիպումը