Ֆրանկոֆոնիայի միջազգային կազմակերպության գլխավոր քարտուղարը շնորհակալական նամակ է հղել ՀՀ ԱԺ նախագահին
Ֆրանկոֆոնիայի միջազգային կազմակերպության գլխավոր քարտուղար Աբդու Դիուֆը, ով վերջերս գտնվում էր Հայաստանում և հանդիպել էր ՀՀ Ազգային Ժողովի նախագահ Հովիկ Աբրահամյանի հետ, շնորհակալական նամակ է հղել ՀՀ Ազգային Ժողովի նախագահին, տեղեկացնում է ՀՀ ԱԺ մամուլի ծառայությունը:
Ֆրանկոֆոնիայի միջազգային կազմակերպության գլխավոր քարտուղարը խորին շնորհակալություն է հայտնել Հովիկ Աբրահամյանին` ի նպաստ Ֆրանկոֆոնիայի զարգացման մեծ անձնական ներդրման համար:
«Մաղթում եմ, որ Հայաստանի Ազգային ժողովի և Ֆրանկոֆոնիայի Խորհրդարանական վեհաժողովի միջեւ համագործակցությունը էլ ավելի խորանա` ի շահ բոլորիս», ասվում է Աբդու Դիուֆի նամակում:
Հիշեցնենք, մայիսի 4-6-ը Երեւանում` ՀՀ Ազգային Ժողովի շենքում, տեղի կունենա Ֆրանկոֆոնիայի խորհրդարանական վեհաժողովի եվրոպական տարածաշրջանի 23-րդ համաժողովը :
Համաժողովին կմասնակցեն ավելի քան 80 ներկայացուցիչներ Եվրոպայի տարբեր երկրներից: -0-
