Քնեսեթի հանձնաժողովն առաջարկել է Հայոց ցեղասպանության հարցը ընդգրկել խորհրդարանի օրակարգում

ԵՐԵՎԱՆ, 29 ապրիլի. /Նովոստի-Արմենիա/. Իսրայելի Քնեսեթի կազմակերպչական հարցերով զբաղվող հանձնաժողողը ձայների մեծամասնությամբ առաջարկել է  Հայոց ցեղասպանության հարցը ընդգրկել խորհրդարանի օրակարգում, գրում է «Հայկական ժամանակ» թերթը:

Ըստ թերթի, օրինագիծն օրակարգում ներառելուն կողմ է քվեարկել 8 մարդ, դեմ՝ 4-ը:

Այս ամենը տեղի ունեցավ, երբ իսրայելական աղբյուրները տեղեկացրեցին այն մասին, որ Հայոց ցեղասպանության հարցի քննարկումը հանվել է օրակարգից Իսրայելի կառավարության միջամտության հետևանքով:
Ինչպես տեղեկացրել է «Մերեց» դաշինքի ղեկավար Խայիմ Օրոնը, առաջարկը պետք է հավանության արժանանա արտաքին կապերի և անվտանգության հանձնաժողովների կողմից, ինչից հետո կարող է ընդգրկվել Քնեսեթի լիագումար նիստի օրակարգում:-0-