Հայերի մեծամասնությունը դեմ է արտահայտվում ղարաբաղյան հակամարտությունը հայ-թուրքական սահմանի բացման հետ շաղկապելուն. սոցիոլոգ
Հարցումն անցկացվել է Հայաստանի ողջ տարածքում երկու փուլով՝ փետրվարի 1-ից 8-ը (որին մասնակցել է 1000 մարդ) և մարտի 1-ից 7-ը (500 հարցված)։
Թուրքիան շարունակում է երկարաձգել հայ-թուրքական հարաբերությունների վավերացման գործընաթացը՝ Հայաստանին առաջադրելով նախապայմաններ, որոնց թվում են ղարաբաղյան հակամարտության կարգավորումը հօգուտ Ադրբեջանի և հայկական կողմի հրաժարվելը Հայոց ցեղասպանության միջազգային ճանաչումից։
Սոցիոլոգը նշեց, որ 1000 հարցվածների 87 տոկոսը փետրվարին և 500 հարցվածների 83 տոկոսն ընթացիկ տարվա մարտին կտրուկ բացասական են վերաբերվել «եթե Հայաստանը զիջի Թուրքիային Լեռնային Ղարաբաղի հակամարտության կարգավորումը՝ հայ-թուրքական սահմանի բացման հետ շաղկապման հարցում» հարցին։
«Դատելով ամեն ինչից՝ հետաքրքրությունն այս թեմայի նկատմամբ մարում է, և «չգիտեմ» ու «դժվարանում եմ պատասխանել» պատասխանողների թիվն ավելանում է»,- ավելացրեց Պողոսյանը։
«Այս թիվը լուրջ մտահոգություն չի առաջացնում, ի տարբերություն այն 2 տոկոս հայ քաղաքացիների, ովքեր կողմ են հանդես գալիս զիջումներին և այն 7 տոկոսին, ովքեր պատասխանում են, որ ավելի շուտ կարելի է զիջումների գնալ ղարաբաղյան հակամարտության կարգավորման հարցում»,- ասաց սոցիոլոգը։Այս կապակցությամբ փորձագետը հավելեց, որ հարցման ժամանակ չի նշվել որևէ կոնկրետ զիջում, այլ խոսքը գնացել է հարևան երկրին այս հարցում ընդհանուր առմամբ արվող զիջումների մասին։
Հայաստանի և Թուրքիայի ԱԳՆ ղեկավարներ Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից:
Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։ Հարաբերությունները բարդացան, երբ Անկարան սկսեց սատարել ադրբեջանական դիրքորոշմանը՝ ղարաբաղյան հարցում, և երբ Թուրքիան կտրուկ արձագանքեց Օսմանյան կայսրությունում 1915թ. հայոց ցեղասպանության միջազգային ճանաչման գործընթացին:-0-
