Հայ կազակներն ակտիվ մասնակցություն կունենան Մեծ Հաղթանակի 65-ամյակին նվիրված միջոցառումներին
Հայ-ռուսական կազակների միավորումը (ՀԿՄ) ակտիվ մասնակցություն կունենա Մեծ Հաղթանակի 65-ամյակին նվիրված միջոցառումներին, չորեքշաբթի լրագրողներին հաղորդեց միջազգային գործերի և հասարակության կապերի գծով ՀԿՄ գլխավոր ատամանի խորհրդատու Էդուարդ Վարդանյանը։
«Մենք անպայման կմասնակցենք ՀՀ ՊՆ բոլոր միջոցառումներին, ինչպես նաև Հայաստանում ռուսական դեսպանատան և Ռուս-համագործակցության ներկայացուցչության կողմից կազմակերպված միջոցառումներին»,- նշեց նա։
Ըստ Վարդանյանի, բացի այդ, ՀԿՄ-ն ծրագրում է №198 դպրոցում հանդիպում անցկացնել Հայրենական պատերազմի և արցախյան պատերազմի վետերանների հետ, քանի որ մայիսի 8-ին Հայաստանում նշվում է Երկրապահի օրը: Բացի այդ, այն հայ կազակները, որոնք սկզբնական ռազմական պատրաստվածություն են դասավանդում իրենց դպրոցներում արիության դասեր կանցկացնեն՝ նվիրված հաղթանակի 65-ամյակին։
Հայաստանում տոհմական կազակներ չկան, սակայն ռուս կազակների զորքում եղել են հայ կազակներ, որոնց թիվը 1732թ.-ին կազմել է 307 մարդ։ Հետագայում իշխան Պոտյոմկինը ստեղծել էր հայ կազակների ջոկատ, որն ավելի ուշ վերածվել էր հայ կազակների հեծելազորային գնդի, որը փայլուն կերպով էր իրեն դրսևորել։ -0-
