«ԱրմենՏել» ընկերությունը (ապրանքանիշը՝ Beeline) միացել է Հայրենական Մեծ Պատերազմի Հաղթանակի 65 ամյակին նվիրված «Կեցցե հաղթանակը» միջազգային հայրենասիրական ակցիային:
Ինչպես ուրբաթ «Նովոստի-Արմենիա» գործակալությանը տեղեկացրեցին ընկերության մամուլի ծառայությունից, ակցիայի շրջանակում Beeline բջջային ցանցի բաժանորդները, զանգահարելով 1945 անվճար հեռախոսահամարին, կարող են իրենց շարժական հեռախոսում տեղադրել պատերազմական տարիներին ճանաչված երգեր («Темная ночь», «Катюша», «Прощание славянки», «День победы», «Синий платочек»):
Ընկերության բաժանորդները կարող են նաև փոխել հեռախոսի պաստառը Հայրենական մեծ պատերազմում Հաղթանակի 65 ամյակին նվիրված պաշտոնական տարբերանշանով ինչպես նաև լսել ամենօրյա Совинформбюро-ի տեսությունը, որը հնչել է խորհրդային ժողովրդի համար այդ օրը ուղիղ 65 տարի առաջ:
«Հաղթանակի օրը նշանակալից իրադարձություն է նախկին ԽՍՀՄ երկրների ժողովրդի համար: Այս քայլով մենք օգնում ենք մարդկանց հիշողություններում արթնացնել այն սխրանքները, որոնք մեր պապերն իրագործել են հանուն ապագա սերնդի», - նշել է «ԱրմենՏելի» գլխավոր տնօրեն Իգոր Կլիմկոն:
Մեղեդին կամ տարբերանշանը բեռնելուց ընկերության տրաֆիկի եկամուտը՝ ներառյալ «Իմ մեղեդին» ծառայությունից օգտվելու օրավարձը, «ԱրմենՏել» ընկերությունն ամբողջությամբ կփոխանցվի Հայրենական պատերազմի վետերաներին: Բեռնման համար տրաֆիկի տարիֆիկացումն իրականացվում է համաձայն բաժանորդի սակագնային փաթեթի: Ակցիան կտևի մինչև 2010 թ.-ի մայիսի 11-ը:
Ռուսաստանի և Հայաստանի Beeline բաժանորդների հետ համատեղ ակցիային մասնակցում են նաև «Վիմպելկոմ» ԲԲԸ դուստր ձեռնարկության բաժանորդները` Ղազախստանում, Տաջիկստանում և Ուկրաինայում:
«ԱրմենՏել» ՓԲԸ-ն (Beeline ապրանքանիշ) «Վիմպելկոմ» ԲԲԸ դուստր ձեռնարկությունն է, որը տրամադրում է ֆիքսված և բջջային հեռախոսակապի ծառայություններ Հայաստանի Հանրապետությունում:
