Հունվարին 12,6%-ով աճել է հայկական կոնյակի արտադրությունը

ԵՐԵՎԱՆ, 3 մարտի. /Նովոստի-Արմենիա/. Հայաստանում 2010թ.-ի հունվարին 12,6%-ով աճել է հայկական կոնյակի արտադրությունը՝ կազմելով 708,2 հազար լիտր: Ազգային վիճակագրական ծառայության տվյալներով` ընթացիկ տարվա հունվարին երկրում 76 տոկոսով նվազել է օղու արտադրությունը:

Հաշվետու ժամանակահատվածում գինու արտադրության 5,3% աճ է գրանցվել՝ հասնելով 217,4 հազար լիտրի, իսկ գարեջուր արտադրվել է 364,6 հազար լիտր՝ 2009թ.-ի հունվարի 155,6 հազար լիտրի փոխարեն:

Ընթացիկ տարվա հունվարին շամպայն գինիների արտադրությունը կազմել է 8,4 հազար լիտր, ինչը 16,8 տոկոսով շատ է նախորդ տարվա նույն ժամանակահատվածի ցուցանիշից: 

Միաժամանակ, վիճակագրական տվյալների համաձայն, ոչ ալկոհոլային խմիչքների արտադրությունը (լիմոնադներ, գազավորված ու էներգետիկ ըմպելիքներ և այլն) Հայաստանում կրճատվել է 3 տոկոսով՝ կազմելով 1566,6 հազար լիտր։ -0-