ՀՀ պաշտպանության նախարարն ու ՀՀ ԶՈՒ Գլխավոր շտաբի պետը հրապարակել են գաղտնի փաստաթուղթ. թերթ

ՀՀ պաշտպանության նախարար Սեյրան Օհանյանն ու ՀՀ ԶՈՒ Գլխավոր շտաբի պետ Յուրի Խաչատուրովը հրապարակել են ՀՀ պաշտպանության նախկին նախարար Միքայել Հարությունյանի գաղտնի հրամանը, գրում է «Հայկական ժամանակ» թերթը:

Տեղեկատվության համաձայն՝ այդ մասին իր փաստաբանների միջոցով հայտարարել է ՀՀ պաշտպանության նախարարության շինվարչության նախկին պետ Արմեն Սարգսյանը: Հիշեցնենք, որ Սարգսյանը այս պահին կալանավորված է պետական գաղտնիք հրապարակելու մեղադրանքով:

Սարգսյանը հայտարարել է, որ Օհանյանն ու Խաչատուրովը իր հետ շատ լարված հարաբերություններ ունեն և  տեղեկատվության արտահոսք են կազմակերպել` ողջ մեղադրանքն իր վրա բարդելու համար:

Հիշեցնենք, որ խոսքը Երևան զորք մտցնելու մասին Միքայել Հարությունյանը 2008 թ.-ի փետրվարի 23-ի հրամանի մասին է:-0-