2009 թվականին Հայաստանի Ոստիկանությունը բացահայտել է 10 650 հանցագործություն 2008 թվականի 5458-ի դիմաց, ուրբաթ կոլեգիայի նիստում հայտարարեց Հայաստանի Ոստիկանապետ Ալիկ Սարգսյանը։
«Պետք է արձանագրել, որ աշխատանքի գրեթե բոլոր ուղղություններով 2009 թվականին զգալի հաջողություններ են արձանագրվել։ Հատուկ ցանկանում եմ նշել, որ արդյունավետ են գործել գրեթե բոլոր տարածքային մարմինները, որոնք բացահայտման ցուցանիշը միջինը բարձրացրել են 10 տոկոսով»,- նշեց նա։
Սարգսյանի խոսքերով, 2009 թվականին հանցագործությունների թվի ավելացմանը զուգընթաց և Ոստիկանության գերբեռնվածության պատճառով վարույթում գտնվող քրեական գործերի բացահայտումն աճել է 10,5 տոկոսով 2008 թվականի համեմատ, (70 տոկոսից մինչև 80,5 տոկոս), քրեական հետախուզության մասով՝ 6,1 տոկոսով (69,1-ից 75,2 տոկոս), ծանր հանցագործությունների մասով՝ 4,45 տոկոսով (64,9 % -ից մինչև 69,3%), իսկ առանձնապես ծանր հանցագործությունների մասով՝ 10,8% (57,6% -68,4%).
Ինչ վերաբերում է տարբեր տեսակի հանցագործություններին, ապա, ոստիկանապետի խոսքերով, զգալիորեն աճել է սպանությունների ( 55,4%- 63,9%), սպանության փորձերի ( 48,3 %- 76,9%), առողջությանը դիտավորությամբ վնաս հասցնելու բացահայտման արդյունավետությունը ( 48,3 % - 76,9%) և այլն։
Միաժամանակ նա նշեց, որ 2008 թվականի համեմատ որոշ չափով նվազել է թմրանյութերի ( 87,8% - 86,5 %), պետգույքի նկատմամբ խարդախության (100% -ից 97,1%), անձնական գույքի կողոպուտի (61,8 % մինչև 60,9%) հետ կապված հանցագործությունների ուղղությամբ աշխատանքների արդյունավետությունը։
Իր ելույթում Սարգսյանն ասաց, որ 2009 թվականի արդյունքներով բարձր գնահատական են ստացել Ոստիկանության Լոռու, Արմավիրի, Գեղարքունիքի մարզային վարչությունները, և ցածր գնահատականներ՝ Արագածոտնի և Տավուշի մարզային վարչությունները։
Ոստիկանապետը հատուկ նշեց Երևանի ոստիկանական վարչության աշխատանքը, որը, չնայած քրեածին ծանր վիճակին, ըստ աշխատանքի արդյունավետության հինգերորդ տեղում է։ -0
