Հայաստանի բռնցքամարտի ֆեդերացիան հայտարարել է 2009 թ.-ի լավագույն բռնցքամարտիկների, մարզիչների և մրցավարների ցուցակը

ԵՐԵՎԱՆ, 29 դեկտեմբերի. /Նովոստի-Արմենիա/. Հայաստանի բռնցքամարտի ֆեդերացիան հայտարարել է 2009 թ.-ի լավագույն բռնցքամարտիկների, մարզիչների և մրցավարների ցուցակը:

Ինչպես «Նովոստի-Արմենիա» գործակալությանը հայտնեցին սպորտի և երիտասարդության հարցերի նախարարության մամուլի ծառայությունից, Հայաստանի բռնցքամարտի ֆեդերացիայի կողմից 2009 թվականի լավագույն տասը բռնցքամարտիկներ են ճանաչվել Անդրանիկ Հակոբյանը, Կարեն Այլազյանը, Կորյուն Սողոմոնյանը, Ազատ Հովհաննիսյանը, Հովհաննես Դանիելյանը, Ջոնիկ Տոնոյանը, Հայկ Խաչատրյանը, Գոռ Մարգարյանը, Արթուր Քաջոյանը և Ալեքսան Նազանյանը:

Հայաստանի բռնցքամարտի ֆեդերացիայի կողմից հանրապետության լավագույն պրոֆեսիոնալ բռնցքամարտիկ է ճանաչվել WBC-ի և WBA-ի վարկածներով գերթեթևն քաշային կարգում աշխարհի չեմպիոն Վախթանգ Դարչինյանը:

Հայաստանի բռնցքամարտի ֆեդերացիայի կողմից լավագույն տասը մարզիչներ են ճանաչվել Ռաֆայել Մեհրաբյանը, Ֆեդյա Ալեքսանյանը, Դերենիկ Ոսկանյանը, Արման Հարությունյանը, Կարեն Աղամալյանը, Սամվել Սողոմոնյանը, Պավլիկ Կարսլյանը, Գարիկ Բաղդասարյանը, Արմեն Հակոբյանը և Վահան Ադլիխանյանը:

Երեք լավագույն մրցավարների ցուցակում ընդգրկվել են Վարդան Բաղդասարյանը, Հարություն Թովմասյանը և Սամվել Գալոյանը:-0-