Հայաստանը կողմնակից է նրան, որ 21-րդ դարում առանց նախապայմանների Թուրքիայի հետ նորմալ հարաբերություններ ունենա, սակայն դա չի կարող տեղի ունենալ Հայաստանի ազգային շահերի հաշվին, ասաց Հայաստանի Հանրապետական կուսակցության խոհրդարանական խմբակցության քարտուղար Էդուարդ Շարմազանովը:
«Բոլորը պետք է գիտակցեն, որ Հայաստանի ներկա իշխանությունները շարունակելու են Հայոց ցեղասպանության ճանաչման գործընթացը, ընդ որում՝ ավելի ինտենսիվ, և մենք պետք է անենք հնարավոր ամեն ինչ, որպեսզի Ցեղասպանությունը դատապարտվի, քանի որ միայն դատապարտումը կարող է կանխել ցեղասպանության կրկնությունը», - երկուշաբթի «Նովոստի» միջազգային մամուլի կենտրոնում նշեց Շարմազանովը:
Այս կապակցությամբ Շարկազանովը հիշեցրեց նախագահ Սարգսյանի խոսքերն այն մասին, որ անհրաժեշտ է օգնել Թուրքիային ճանաչելու Հայոց ցեղասպանությունը:
«Մենք չունենք միակողմանի պարտավորություններ, և Հայաստանը երբեք չի գնա միակողմանի զիջումների: Մենք պատրաստ ենք վավերացնալ արձանագրությունները, սակայն Թուրքիան պետք է ապացուցի իր կառուցողական տրամադրվածությունը», - ընդգծեց նա:
Հայաստանի և Թուրքիայի հարաբերությունները բավականին լարված էին մինչև վերջերս, երբ երկու երկրների արտգործնախարարները հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից:
Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։
Երկու եկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։ -0-
