Դեկտեմբերի 24-25-ին ՀՀ ԱԳՆ-ում տեղի ունեցան Հայաստանի Հանրապետության և Արաբական Միացյալ Էմիրությունների արտաքին գործերի նախարարությունների միջև քաղաքական առաջին խորհրդատվությունները:
«Հայկական պատվիրակությունը ղեկավարում էր փոխարտգործնախարար Արման Կիրակոսյանը, Էմիրաթական պատվիրակությունը` ԱՄԷ ԱԳ նախարարի առաջին տեղակալ Թարեք Ալ Հեյդանը»,- ասված է ՀՀ ԱԳՆ մամուլի ծառայության տրչամադրած հաղորդագրության մեջ:
Խորհրդատվություններն անցկացվեցին երկու փուլով: Առաջին` քաղաքական, տարածաշրջանային ու միջազգային հիմնախնդիրներ և երկրորդ` երկկողմ առեւտրատնտեսական ու կրթամշակությին համագործակցության հարցեր:
Քաղաքական քննարկումների ժամանակ անդրադարձ եղավ ՀՀ եւ ԱՄԷ միջեւ գոյություն ունեցող երկկողմ քաղաքական հարաբերություններին, որը հայկական կողմից բարձր գնահատվեց, և ցանկություն հայտնվեց դրանք ավելի զարգացնելու և ընդլայնելու: Նման գնահատական տրվեց նաև էմիրաթական կողմից: Կարեւորվեց երկու երկրների բարձրաստիճան պաշտոնատար անձանց փոխայցելությունների և հանդիպումների անհրաժեշտությունը: Մասնավորապես նշվեց, որ 2009թ.-ին նկատելի էր երկու երկրների բարձրաստիճան փոխայցելությունների հաճախականությունը եւ կարեւորվեց նման դինամիկայի պահպանման անհրաժեշտությունը:
Անդրադարձ կատարվեց տարածաշրջանային հարցի կարգավորման խնդիրներին: Մերձավորարեւելյան հարցերի շուրջ տեսակետներ փոխանակելուց հետո կարեւորվեց հարցի խաղաղ կարգավորման անհրաժեշտությունը: ԱՄԷ փոխարտգործնախարարը համառոտ ներկայացրեց իր երկրի եւ արաբական աշխարհի տեսկետները հարցի կարգավորման վերաբերյալ:
ՀՀ համապատասխան գերատեսչությունների ներկայացուցիչների մասնակցությամբ խորհրդատվությունների երկրորդ փուլի ընթացքում տեղի ունեցան շահագրգիռ քննարկումներ երկկողմ տնտեսական հարաբերությունների, այդ թվում գյուղատնտեսության, գիտատեխնիկական, կրթամշակութային համագործակցության և ստորագրված փաստաթղթերի ու հետագա համագործակցությանը վերաբերող տարբեր հարցերի շուրջ:
ԱՄԷ ԱԳ պատվիրակությունը հանդիպումներ ունեցավ ՀՀ փոխվարչապետ, տարածքային կառավարման նախարար Արմեն Գեւորգյանի և ՀՀ էկոնոմիկայի նախարար Ներսես Երիցյանի հետ:
ԱՄԷ պատվիրակությանը ընդունեց նաև ՀՀ ԱԳ նախարար Էդվարդ Նալբանդյանը:ար Էդվարդ Նալբանդյանը։ -0-
