Հայ-թուրքական սահմանի հնարավոր բացումը Հայաստանի տնտեսության համար աղետալի չի լինի. վարչապետ

ԵՐԵՎԱՆ, 25 դեկտեմբերի. /Նովոստի-Արմենիա/. Հայ-թուրքական սահմանի հնարավոր բացումը Հայաստանի տնտեսության համար աղետալի հետևանքների չի հանգեցնի, ինչպես կանխատեսում են որոշ փորձագետներ, կարծում է ՀՀ վարչապետ Տիգրան Սարգսյանը:

«Սահմանների բացման հետևանքով աղետներ մեզ չեն սպասվում, և զարգացման ֆանտաստիկ սցենարներն այստեղ անհնար են: Մենք ունենք բավականին մեխանիզմներ և լծակներ, որոնք թույլ կտան կառավարել հնարավոր ռիսկերը», - ասաց Սարգսյանը ուրբաթ ամփոփիչ մամուլի ասուլիսի ժամանակ:

Սարգսյանը հիշեցրեց, որ շատ փորձագետներ հարևան Թուրքիայի հետ սահմանի բացման դեպքում կանխատեսում էին Հայաստանի տնտեսական իրավիճակի, ինչպես նաև հայկական ձեռնարկությունների վիճակի վատթարացում, որոնք չեն կարող հաղթահարել աճող մրցակցությունը:

Ինչպես կարծում է ՀՀ վարչապետը, հայկական օրենսդրությունը պետական իշխանության մարմիններին մեխանիզմներ է տրամադրում Թուրքիայի հետ սահմանի բացման դեպքում լրացուցիչ ռիսկերից տնտեսությունը պաշտպանելու համար:

ՀՀ կառավարության ղեկավարը նշեց, որ Հայաստանի բոլոր նախարարություններն ու գերատեսչությունները երկրի նախագահի հանձնարարությամբ պատրաստել են ռիսկերի հնարավոր բոլոր սցենարները և նշել են դրանց դիմակայելու միջոցների ցանկը:

Բացի այդ, ինչպես կարծում է Սարգսյանը, ՀՀ օրենսդրությունը դեռևս վերանայման  կարիք չունի:-0-