Խոսքի ազատությունը չի կարելի շփոթել ամենաթողության հետ. պատգամավոր
Խոսքի ազատությունը չի կարելի շփոթել ամենաթողության հետ, կարծում է ՀՀ ԱԺ եվրաինտեգրման հարցերի մշտական հանձնաժողովի նախագահ, ԲՀԿ պատգամավոր Նաիրա Զոհրաբյանը:
«Ինձ՝ որպես նախկին լրագրողի ակնհայտ է, որ ոլորտը կարգավորման կարիք ունի: Խոսքի ազատությունը չի կարելի շփոթել ամենաթողության հետ»,- հայտարարեց նա՝ մեկնաբանելով Հայաստանի քաղաքացիական օրենսգրքի փոփոխությունների նախագիծը, որով ԶԼՄ-ներին նյութական պատասխանատվություն է նախատեսվում զրպարտանքի ու հասցրած վիրավորանքի համար:
Զոհրաբյանի խոսքով, այդ փոփոխությունները պետք են, որպեսզի ինչ-որ կերպ պաշտպանեն քաղաքացիներին զրպարտանքից ու վիրավորանքից:
Միաժամանակ նա նկատեց, որ օրինագիծը պետք է ձևակերպվի այնպես, որ այն չօգտագործվի իշխանությունների կողմից ԶԼՄ-ների վեր ճնշում գործադրելու համար:
Զոհրաբյանը ավելացրեց, որ օրինագիծը կքննարկվի խորհրդարանում, խմբակցությունում և պատգամավորները կկարողանան իրենց կարծիքը հայտնել դրա նկատմամբ:-0-