Հայ զինծառայողների ընտանիքները բնակարանամուտ են տոնել Արմավիր քաղաքում
Հայ զինծառայողների 13 ընտանիք բնակարանամուտ է նշել Արմավիր քաղաքում։
Շահագործման էր հանձնվել ընդամենը 16 բնակարան (8-ական երկսենյականոց և երեքսենյականոց բնակարաններ)։ Երեք բնակարան են ստացել քաղաքացիական անձինք։
Ինչպես տեղեկացնում է «Նովոստի-Արմենիա» գործակալության թղթակիցն Արմավիրից, բնակարանների բանալիները հանձնել է Հայաստանի վարչապետ Տիգրան Սարգսյանը։
«Ես ուրախ եմ, որ ձեզ հետ միասին կարող ենք տոնել այս փոքրիկ հաղթանակը ճգնաժամի օրերին»,- ասաց կառավարության ղեկավարը հանդիսավոր արարողության ընթացքում։
Վարչապետն ընդգծեց հայկական բանակի սպայական կազմի սոցիալական խնդիրների լուծման անհրաժեշտությունը՝ նշելով, որ դա կառավարության կարևորագույն պարտավորություններից է։
Ըստ նրա, կառավարության համար այս առաջնահերթ ուղղությունում դեռ անելու շատ բան կա, մասնավորապես, հատուկ նշանակություն կդարձվի երիտասարդ ընտանիքներին։
Իր հերթին Հայաստանի պաշտպանության նախարար Սեյրան Օհանյանը շնորհակալություն հայտնեց կառավարությանը, Հայաստանի վարչապետին և նախագահին՝ զինծառայողների խնդիրներն իշխանության ուշադրության կենտրոնում պահելու համար։ -0-
