Հաջորդ տարին Հայաստանի դատավարական օրենսդրության համար հիմնարար բարեփոխումների տարի կդառնա, ասաց արդարադատության նախարար Գևորգ Դանիելյանը «Նովոստի-Արմենիա» գործակալությանը տված հարցազրույցում:
«2010թ.-ին գրեթե ամբողջությամբ կվերանայվի քրեա-դատավարական օերնսգիրքը, էական փոփոխություններ են նախատեսվում նաև քաղաքացիական-դատավարական, վարչական-դատավարական օերնսգրքերում»,- նշեց նա:
Նրա խոսքերով` բարեփոխումները հիմնականում ուղղված կլինեն դատավարության ընթացքում թույլ տրվող չարաշահումների կրճատմանը ինչը զգալիորեն կբարդացնի քննչական մարմինների և դատախազության աշխատանքը:
«Սակայն մենք չպետք է խուսափենք դժվարություններից, անհրաժեշտ է առաջին հերթին ելնել մարդու իրավունքների պաշտպանության սկզբունքից: Ներկայումս և պրոֆեսիոնալ բազան, և հասարակական գիտակցությունը թույլ են տալիս նման բարեփոխումներ իրականացնել»,- ասաց նախարարը:
Դանիելյանի խոսքերով` բարեփոխումներով, մասնավորապես նախատեսվում է արագացված դատական ընթացակարգ մասնավոր մեղադրանքի գործերով:
Նախարարը հայտնեց, որ այնպիսի գործերի դատական գործընթացը, ինչպիսիք են, օրինակ, անարգանքը (ՔՕ 136 հոդված. անարգանք – անպարկեշտ ձևով մեկ այլ մարդու պատվի ու արժանապատվության նվաստացում), զրպարտանքը (ՔՕ 135 հոդված. զրպարտանք – միտումնավոր կերպով մեկ այլ մարդու պատիվն ու արժանապատվությունը արատավորող թյուր տեղեկությունների տարածում), այսինքն` մասնավոր մեղադրանքի դեպքերը կվարվեն առանց դատախազի ներգրավման:
«Այս գործերով տուժածներն իրենք դատարանում մեղադրանք կներկայացնեն»«- ասաց նա: -0-
