Արաբական Միացյալ Էմիրությունների արտաքին գործերի պետնախարար Անվար Գարգաշը (Anwar Gargash) շաբաթ օրը Երևանում Հայաստանի արտաքին գործերի նախարար Էդվարդ Նալբանդյանի հետ հանդիպման ընթացքում հայտարարել է, որ ԱՄԷ-ն կողմ է ղարաբաղյան հակամարտության՝ միջազգային իրավունքի շրջանակներում խաղաղ ճանապարհով լուծմանը։
Ինչպես երկուշաբթի «Նովոստի-Արմենիա» գործակալությանը հայտնեցին հանրապետության ԱԳՆ մամուլի ծառայությունից, զրուցակիցները մտքեր փոխանակեցին Հարավային Կովկասում և Մերձավոր Արևելքում անվտանգության ապահովման և ամրապնդման հետ կապված հարցերի շուրջ։
Գարգաշը հայտնեց օժանդակության ԱՄԷ պատրաստակամությունը հայ-թուրքական հարաբերությունների բարելավման ուղղությամբ։
Անվար Գարգաշը նախարար Նալբանդյանին ներկայացրեց մերձավորարեւելյան կարգավորման ներկա վիճակը: Այդ ենթատեքստում Էդվարդ Նալբանդյանը նշեց, որ Հայաստանն, աշխարհաքաղաքական առումով մոտ լինելով մերձավորարևելյան տարածաշրջանին, մեծապես շահագրգիռ է այնտեղ խաղաղության ու կայունության հաստատմամբ:
Հանդիպումից հետո նախարարները ստորագրեցին Փոխըմբռնման հուշագիր մարդկանց շահագործման (թրաֆիկինգի) դեմ պայքարում համագործակցության մասին:--0--
