Հայաստանում 2010 թ.-ի ամանորյա տոները կտևեն մինչև հունվարի 10-ը ներառյալ

Հայաստանում 2010 թ.-ի ամանորյա տոները կտևեն մինչև հունվարի 10-ը ներառյալ, հայտարարեց ՀՀ վարչապետ Տիգրան Սարգսյանը կառավարության նիստի ընթացքում:

Նրա խոսքերով, ավելի վաղ Հայաստանում ամանորյա տոները պաշտոնապես տևում էին միայն երկու օր, ինչը թույլ չէր տալիս բնակչությանը պլանավորել ձմեռային հանգիստը:

««Հայաստանի տոների և հիշարժան օրերին մասին» օրենքում փոփոխությունների կատարումը, որը նախատեսում է Նոր տարվա և ամանորյա տոների ներառումը որպես ոչ աշխատանքային օրեր, թույլ կտա քաղաքացիներին ձմեռային հանգիստը կազմակերպել ամանորյա օրերին», - ասաց Սարգսյանը:

Նա նշեց, որ նման պրակտիկան համապատասխանում է միջազգային փորձին, չնայած տարբերվում է ժամկետներով կաթոլիկ և ուղղափառ Սուրբ ծննդի տոնակատարության ամսաթվերի տարբերության պատճառով:

Վարչապետի խոսքերով, օրենսդրական փոփոխությունների համաձայն՝ հանգստյան օրերը կկազմեն յոթ օր, սակայն հաշվի առնելով այն, որ հաջորդ օրերը հանգստյան են, ապա տոնակատարությունները երկարացվել են մինչև հունվարի 10-ը:

Նա նաև նշեց, որ հարցը համաձայնեցվել է նախագահի, խորհրդարանի հետ, վարչապետը հույս հայտնեց, որ խորհրդարանում փոփոխությունների քննարկման ժամանակ այդ հարցի շուրջ ձեռք կբերվի փոխհամաձայնություն:-0-