ԵՐԵՎԱՆ, 19 նոյեմբերի. /Նովոստի-Արմենիա/. Հայտնի կինոռեժիսոր Ռոման Բալայանը ճիշտ է համարում առանց նախապայմանների հայ-թուրքական հարաբերությունների կարգավորման գործընթացը:
«Մենք պետք է երկխոսություն հաստատենք, եթե ցանկանում ենք որևէ բանի հասնել, թող նույնիսկ հիսուն տարի անց», - Երևանում լրագրողներին ասել է Բալայանը:
Նա ընդգծել է, որ Թուրքիայում մարդիկ չգիտեն Օսմանյան կայսրությունում Հայոց ցեղասպանության մասին՝ նշելով, որ երկխոսությունը թույլ կտա ծանոթացնել նրանց սեփական պատմության հետ:
Հայաստանի ու Թուրքիայի արտգործնախարարներ Էդվարդ Նալբանդյանն ու Ահմեդ Դավութօղլուն հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից:
Հայ-թուրքական սահմանը փակ է 1993 թ.-ից՝ պաշտոնական Անկարայի նախաձեռնությամբ: Երկու երկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ:--0—
