Չորեքշաբթի Երևանում մեկնարկել է ԱՊՀ երկրների հայտնի ֆիլմերի միջազգային կինոփառատոնը

Չորեքշաբթի Երևանում մեկնարկել է ԱՊՀ երկրների «Կինո. բաց սահմաններ» հանրահայտ ֆիլմերի միջազգային կինոփառատոնը:

«Սովէքսպորտֆիլմ» ընկերության կողմից կազմակերպված փառատոնն անցկացվում է նոյեմբերի 1-30-ը Ուկրաինայում, Հայաստանում և Ղազախստանում: Փառատոնն անցկացվում է ԱՊՀ մասնակից-պետությունների հումանիտար համագործակցության միջպետական հիմնադրամի աջակցությամբ:

«Ես շատ ուրախ եմ, որ Հայաստանը ներառված է այն մի քանի երկրների կազմում, որտեղ կանցկացվի փառատոնը, և որքան շատ լինել նման փառատոներ, այնքան ավելի լավ», - կինոփառատոնի բացման ժամանակ լրագրողներին է ասել հայտնի ռեժիսոր Ռոման Բալայանը:

Հայ ռեժիսոր Հովհաննես Գալստյանն իր հերթին նշել է, որ փառատոնը ևս մեկ անգամ ապացուցում է, որ ԱՊՀ տարածքում գոյություն ունի ընդհանուր մշակութային տարածք: «Բարեբախտաբար նախկին ԽՍՀՄ տարածքում բնակվում է բնակչություն, որը մտածում է նույն ձևով, սիրում է նույն ձևով, զարմանում և կարեկցում է նույն ձևով», - ասել է նա:

Գալստյանն ավելացրել է, որ դա է վկայում նաև այն փաստը, որ իր «Խճճված զուգահեռներ» ֆիլմը, լինելով Հայաստանի, Ֆրանսիայի և Նորվեգիայի համատեղ արտադրությունն ու ավելի շատ ուղղվածություն ունենալով դեպի Եվրոպա, մեծ պահանջարկ է վայելում նաև ԱՊՀ-ում:

«Սովէքսպորտֆիլմ» ընկերության առաջատար փորձագետ Դմիտրի Կաբանովը հույս է հայտնել, որ ներկայացված ֆիլմերը դուրս կգան հայ հանդիսատեսին՝ նշելով, որ ծրագրի մեջ ներառված ռուսական ֆիլմերը 2008 թ.-ին ներառվել են կինովարձույթի լավագույն-25-ում:

Խոսելով նախկին ԽՍՀՄ երկրների կինեմատոգրաֆի խնդիրների մասին՝ կինոփառատոնի մասնակիցներն ընդգծել են, որ մեծամասամբ դրանք նույնն են: Նրանց խոսքերով, գլխավոր խնդիրն է կինովարձույթի բացակայությունը, որը ողողված է ամերիկյան ֆիլմերով, սերիալներով:

Հենց կինովարձույթի բացակայությամբ են մասնագետները բացատրում են նկարահանվող հայրենական ֆիլմերի քիչ քանակությունը, որի բնական հետևանքն է երիտասարդ ռեժիսորների և դերասանների ինքնահաստատման դժվարությունը: «Երիտասարդ դերասանին դժվար է ինչ-որ բանի հասնել ինչպես Երևանում, այնպես էլ Մոսկվայում», - նշել է ռուս դերասանուհի Յանինա Կալգանովան:

Ռոման Բալայանի կարծիքով, ստեղծված իրավիճակը հաղթահարելու համար խոշոր ներդրումներ են անհրաժեշտ կինոյի ոլորտում, Ռուսաստանի օրինակով: «Պետք է մեծ ներդրումներ կատարել ոչ թե ֆիլմերի, այլ ոլորտի մեջ», - ասել է նա:

Բալայանն ընդգծել է, որ անհրաժեշտ է ապահովել կինովարձույթի վերածնունդը, ավելացնել հայրենական կիոթատրոնների թիվը: «Եթե նկարահանվեն ֆիլմեր և չապահովվի վարձույթ, դա նշանակում է, որ գումարը ծախսվել է փառասեր ռեժիսորներին սիրաշահելու  նպատակով», - նշել է նա:

ԱՊՀ երկրների «Կինո. բաց սահմաններ» հայտնի ֆիլմերի միջազգային փառատոնի շրջանակներում ֆիլմերի ցուցադրությունները տեղի կունենա նոյեմբերի 18-21-ը Երևանի «Մոսկվա» կինոթատրոնում: Մուտքն ազատ է:-0-