Հայ-թուրքական արձանագրությունների ստորագրումը խիզախ քայլ է երկկողմ հարաբերությունների կարգավորման գործում. Գերմանիայի դեսպան

Հայ-թուրքական արձանագրությունների ստորագրմամբ խիզախ քաղաքական քայլ է կատարվել երկու երկրների միջև հարաբերությունների կարգավորման գործում, ասաց Հայաստանում Գերմանիայի արտակարգ և լիազոր դեսպան Հանս-Յոհեն Շմիդտը:

«Հարաբերությունների կարգավորման գործընթացը համբերություն և որոշ ստեղծագործական միտք է պահանջում», - ուրբաթ լրագրողներին ասաց դեսպանը:

Շմիդտը կարծում է, որ «կարելի է հուսալ, որ արձանագրությունների վավերացումից հետո հնարավոր է, որ դրանք դրական ազդեցություն կունենան նաև ղարաբաղյան հակամարտության կարգավորման գործընթացի վրա»:

«Իմ կարծիքով, լավ կլինի, եթե արձանագրությունները որքան հնարավոր է շուտ վավերացվեն», - ընդգծեց դեսպանը:

Հայաստանի և Թուրքիայի արտգործնախարարները հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից:

Հայաստանի և Թուրքիայի միջև չկան դիվանագիտական հարաբերություններ, իսկ 1993-ից, պաշտոնական Անկարայի նախաձեռնությամբ, փակ է հայ-թուրքական սահմանը։

Երկու երկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։ -0-