A/H1N1 գրիպի դեմ պատվաստումները Հայաստանում կսկսվեն նոյեմբերի վերջին
Նոյեմբերի վերջին Հայաստանում պատվաստումներ կսկսվեն A/H1N1 գրիպի դեմ, ուրբաթ մամուլի ասուլիսի ժամանակ հայտնեց Հայաստանի գլխավոր համաճարակաբան Արա Ասոյանը։
Նրա խոսքերով, Հայաստանի առողջապահության նախարարությունը բանակցություններ է տանում Ռուսաստանի հետ պատվաստուկի ձեռքբերման ուղղությամբ, և որպես պատվաստման մեկնարկի նախնական ժամկետ՝ սահմանվել է նոյեմբերը։
«Նախևառաջ, պատվաստումները կիրականացվեն բնակչության առավել խոցելի խմբերի շրջանում, դրանք են՝ բուժաշխատողները, 1-24 տարեկան տարիքային խմբի երեխաներն ու երիտասարդությունը, խրոնիկ հիվանդություններով տառապող մարդիկ, հղի կանայք»,- տեղեկացրեց Ասոյանը։
Գլխավոր համաճարակաբանը նշեց, որ գոյություն ունի պատվաստուկի երկու տեսակ, որից մեկը սկզբնական ժամանակահատվածում առաջացնում է որոշ տկարություն, իսկ մյուսը բոլորովին անվտանգ է։
«Տվյալ պահին բանակցություններ են տարվում այն ուղղությամբ, թե դեղամիջոցներից ո՞րը կբերվի Հայաստան»,- ասաց Ասոյանը։
Նա ավելացրեց նաև, որ ներկայում Հայաստանում A/H1N1 գիպով հիվանդացության դեպք չի գրանցվել։ -0-
