Եվրամիությունը պատրաստ է աջակցել հայ-թուրքական հարաբերությունների կարգավորման գործընթացին. Սեմնեբի

ԵՐԵՎԱՆ, 28 հոկտեմբերի. /Նովոստի-Արմենիա/. Եվրամիությունը ողջունում է հայ-թուրքական հարաբերություններում արձանագրված առաջընթացը և պատրաստ է աջակցել երկու երկրների միջև հարաբերությունների կարգավորմանը, չորեքշաբթի նախագահ Սերժ Սարգսյանի հետ հանդիպման ժամանակ ասել է Հարավային Կովկասում Եվրոպական Միության հատուկ ներկայացուցիչ Պիտեր Սեմնեբին:

Հայաստանի ու Թուրքիայի արտգործնախարարները հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»:

Ինչպես հայտնում է հանրապետության ղեկավարի մամուլի ծառայությունը, զրուցակիցները մտքեր են փոխանակել արձանագրությունների վավերացման վերաբերյալ:

«Եվս մեկ անգամ ընդգծել, որ հարաբերությունների հաստատումը պետք է տեղի ունենա առանց նախապայմանների և խելամիտ ժամկետներում»,- ասվում է հաղորդագրության մեջ: -0-