Հայաստանի ԶՈՒ-ն կարող է օգտագործել քաղաքացիների ավտոմեքենաները ռազմական գործողությունների դեպքում

ԵՐԵՎԱՆ, 27 հոկտեմբերի. /Նովոստի-Արմենիա/. Հայ խորհրդարանականները երեքշաբթի քննարկեցին «Պաշտպանության նպատակով տրանսպորտային միջոցների օգտագործման մասին» օրինագիծը և լրացումների փաթեթը «Զորահավաքի նախապատրաստման և զորահավաքի մասին» օրենքում։

Ինչպես հայտնեց Հայաստանի պաշտպանության փոխնախարար Արա Նազարյանը, օրենքներով կարգավորվում է կազմակերպությունների տրանսպորտային միջոցների և խաղաղ ու ռազմական պայմաններում պաշտպանական նպատակով մարդկանց օգտագործման կարգը։

Փախնախարարի խոսքերով՝ օրինագիծը կոչված է հստակեցնել պետական քաղաքականության հիմքերը պաշտպանության ոլորտում և բարձրացնել Հայաստանի Զինված ուժերի մարտունակության մակարդակը։

Առաջարկվող նախագծերին համապատասխան սահմանվում է Զինված ուժերի կողմից պաշտպանական նպատակներով պետական իշխանության և տեղական ինքնակառավարման մարմիններին ամրագրված հաստատությունների, կազմակերպությունների, մասնավոր ձեռնարկատերերի և քաղաքացիներին պատկանող բեռնատար և մարդատար տրանսպորտային միջոցների օգտագործման կարգը։

Օրինակ, խաղաղ ժամանակ տրանսպորտային միջոցները կարող են ներգրավվել ուսումնական հավաքներին, հրամանատարաշտաբային վարժանքներին մասնակցությանը, իսկ ռազմական իրավիճակում տրանսպորտային միջոցներն օգտագործվում են ՀՀ Զինված ուժերի կողմից սեփականատիրոջն իրազեկելուց հետո։

Օրինագծերով իրավասու մարմինները խաղաղ ժամանակ լիազորություններ են ստանում նաև տեղեկատվություն հավաքելու այն տրանսպորտային միջոցների օգտագործման վերաբերյալ, որոնք կարող են օգտագործվել անհրաժեշտության դեպքում։ -0-