Հանգստյան օրերին Հայաստանում ՃՏՊ-ի հետևանքով զոհվել է մեկ, վնասվածքներ ստացել հինգ մարդ

Նախորդ հանգստյան օրերին Հայաստանում տեղի ունեցած ճանապարհատրանսպորտային պատահարների հետևանքով զոհվել է մեկ, վիրավորվել հինգ մարդ:

Ինչպես երկուշաբթի «Նովոստի-Արմենիա» գործակալությանը տեղեկացրեցին ՀՀ ԱԻՆ Փրկարար ծառայությունից, նախօրեին Երևանի ծայրամասում տեղի է ունեցել խոշոր ավտովթար, որի ժամանակ միմյանց են բախվել «Աուդի», «ՎԱԶ-2107», «ՎԱԶ-2121», «Միթսուբիշի» և «Ֆորդ» մակնիշների ավտոմեքենաները:

Պատահարի հետևանքով տեղում մահացել է հետիոտն, 22-ամյա Նարինե Հովհաննիսյանը:

«Աուդիի» վարորդ, 32-ամյա Արամ Ավագյանը և ուղևոր, 30-ամյա Լիլիթ Գալստյանը տարբեր մարմնական վնասվածքներով տեղափոխվել են «Էրեբունի» բժշկական կենտրոն:

Արամյանը, անցնելով հետազոտում, դուրս է գրվել, իսկ Գալստյանի վիճակը գնահատվում է կայուն ծանր:

Եվս մեկ ավտովթար է տեղի ունեցել ՀՀ Կոտայքի մարքում: Երևան-Հրազդան մայրուղու վրա «Գազել» մակնիշի ավտոմեքենան բախվել է ճանապարհային պատնեշի և շրջվել:

Պատահարի հետևանքով վարորդ, 41-ամյա Վալերի Խոդաբաշխյանն ու 10-ամյա Գոռ Խոդաբաշխյանն տարբեր աստիճանի մարմնական վնասվածքներ են ստացել:

Տուժածները տեղափոխվել են հվանդանոց, որտեղ, ստանալով անհրաժեշտ բուժօգնություն, դուրս են գրվել հիվանդանոցից:

Կոտայքի մարզում տեղի է ունեցել ևս մեկ ՃՏՊ: «Աուդի» մակնիշի ավտոմեքենան Աբովյան քաղաքի «Քինգ դե Լյուքս» բինզալցակայանում բախվել է յուղով տարային:

Մեքենայի վարորդ, 23-ամյա Սարգիս Մովսիսյանը տեղափոխվել է Աբովյանի հիվանդանոց և անցնելով բուժզննում՝ դուրս է գրվել հիվանդանոցից:-0-