Երևանն ու Բեյրութը բավարարված են երկու երկրների միջև համագործակցության մակարդակից
ԵՐԵՎԱՆ, 21 հոկտեմբերի. /Նովոստի-Արմենիա/. Լիբանանում Հայաստանի դեսպան Աշոտ Քոչարյանը նախօրեին հանդիպել է Լիբանանի խորհրդարանի նախագահ Նաբիհ Բըրրիի հետ, որի հետ քննարկել է երկկողմ համագործակցության հարցեր, հայտնում է հայկական ԱԳՆ մամուլի ծառայությունը:
«Հանդիպման ընթացքում զրուցակիցները դրական են գնահատել երկու բարեկամ երկրների ջերմ հարաբերությունները, բազմաթիվ ոլորտներում փոխշահավետ համագործակցությունը և նշել, որ դրանում զգալի ներդրում ունի Լիբանանի հայ համայնքը»,- ասվում է հաղորդագրության մեջ:
Կողմերը քննարկել են նաև միջխորհրդարանական կապերի ակտիվացման ուղիները, երկուստեք կարևորվել է խորհրդարանականների փոխայցելությունների և միջխորհրդարանական բարեկամական խմբերի աշխատանքների ակտիվացումը:
Հայաստանի դեսպանը հաջողություն է մաղթել Լիբանանի կառավարության ձևավորման գործին: -0-
