Հայաստանի Սյունիքի մարզում նոր «Արևիկ» ազգային պարկ է հիմնադրվել: Ինչպես տեղեկացրեց ՀՀ բնապահպանության նախարար Արամ Հարությունյանը, ազգային պարկը կընդգրկի Մեղրի, Շվանիձոր և Նյուվադի գետերի ջրային ավազանները:
Ազգային պարկի ընդհանուր մակերեսը կկազմի ավելի քան 34,4 հազակ հեկտար:
«Արևիկը» ստեղծվում է բնական էկոհամակարգերի, բիոբազմազանության և լանդշաֆտի, բացառիկ բնական հուշարձանների, էնդեմիկ և հազվագյուտ կենդանիների պահպանումը, բնական զարգացումը, վերարտադրությունն ու կայուն զարգացումն ապահովելու նպատակով:
Նույն նիստի ընթացքում ՀՀ կառավարությունը կրկին Սյունիքի մարզում հիմնել է «Զանգեզուր» պետական արգելավայրը՝ 17,3 հազար հեկտար ընդհանուր մակերեսով:-0-
