ՀՀ Ազգային ժողովի նախագահ Հովիկ Աբրահամյանը ուրբաթ «Հայաստանի էլեկտրական ցանցեր» ՓԲԸ գլխավոր տնօրեն Եվգենի Գլադունչիկին ծննդյան 60-ամյակի կապակցությամբ երկարատև, անբասիր աշխատանքի և բարեսիրական շարունակական գործունեության համար պարգևատրեց ՀՀ Ազգային ժողովի պատվո մեդալով:
Իր խոսքում ԱԺ աշխատակազմի ղեկավար Գեղամ Ղարիբջանյանը նշեց, որ ՀՀ ԱԺ տնտեսական հարցերի մշտական հանձնաժողովը դիմել էր ՀՀ ԱԺ նախագահ Հովիկ Աբրահամյանին` Եվգենի Գլադունչիկին ՀՀ ԱԺ պատվո մեդալով պարգևատրելու խնդրանքով:
Նրա խոսքով, եթե վերջին մեկ տարվա ընթացքում ԱԺ պատվո մեդալով պարգևատրվել են բանակաշինության, առողջապահության ոլորտների նվիրյալները, ապա այսօր առաջին անգամ ԱԺ պատվո մեդալ է տրվում բարերարի:
Ղարիբջանյանը նշեց, որ Եվգենի Գլադունչիկը ոչ միայն տնտեսության մեջ է հսկայական աշխատանքներ կատարել, այլև տարբեր բնագավառներում բարեգործական մեծ ծրագրեր է իրականացրել:
Գլադունչիկը շնորհակալություն հայտնեց իր աշխատանքի բարձր գնահատանքի համար` նշելով, որ այս բարձր պարգևը պարտավորեցնում է այդ վստահությանը արժանի գործունեություն ծավալել ապագայում ևս:-0-
