Եվրոպայի Միությունը խորհուրդ է տալիս Հայաստանին ազգային փոքրամասնությունների լեզուների պաշտպանության համակարգված քաղաքականություն մշակել

ԵՐԵՎԱՆ, 24 սեպտեմբերի. /Նովոստի-Արմենիա/. Եվրոպայի Միության նախարարների կոմիտեն հարապարակել է Հայաստանում ազգային փոքրամասնությունների լեզուների իրավիճակին առնչվող երկրորդ զեկույցը։

Ինչպես հայտնում է ԵՄ մամուլի ծառայությունը, զեկույցը պատրաստվել է Անկախ փորձագետների կոմիտեի կողմից, որը հետևում է Տարածաշրջանային լեզուների կամ ազգային փոքրամասնությունների Եվրոպական խարտիայի կիրառմանը։

Հիմնվելով ներկայացված զեկույցին՝ Նախարարների կոմիտեն կոչ է անում Հայաստանին մշակել ասորերենի, եզդիերեն և քրդերեն լեզուների ուսուցիչների պատշաճ վերապատրաստման կազմակերպմանը և բոլոր մակարդակներով ժամանակակից ուսումնական նյութերի հասանելիության ապահովմանն ուղղված համակարգված քաղաքականություն։

Բացի այդ, Հայաստանի իշխանությունները պետք է երաշխավորեն, որ տարածաշրջանային լեզուները կամ ազգային փոքրամասնությունների լեզուները կարող են օգտագործվել դատարաններում, և որ դատարաններն ու հասարակությունը տեղեկացված են այդ լեզուների կիրառման իրենց իրավունքների մասին։

Հայաստանը պետք է նաև միջոցներ ձեռնարկի ասորերեն և հունարեն լեզուներով ռադիոհաղորդումների ու ասորերեն, եզդիերեն և քրդերեն լեզուներով հեռուստահաղորդումների վիճակի բարելավման համար։ -0-