Հայաստանի և Թուրքիայի նախագահների՝ աշնանը նախատեսված հանդիպումը լուրջ փոփոխություններ չի բերի. կուսակցության առաջնորդ
Հայաստանի և Թուրքիայի նախագահների՝ աշնանը նախատեսված հանդիպումը լուրջ փոփոխությունների չի հանգեցնի, հինգշաբթի հայտարարեց «Ազգային ժողովրդավարների դաշինք» կուսակցության առաջնորդ Արշակ Աադոյանը։
«Հայաստանի և Թուրքիայի ղեկավարների հանդիպումը, հնարավոր է, երկկողմ հարաբերություններում չնչին դրական առաջխաղացում բերի, սակայն առանձնապես հույսեր այս առումով ունենալ պետք չէ»,- նշեց Սադոյանը՝ կանխատեսելով Հայաստանի նախագահ Սերժ Սարգսյանի հնարավոր այցը Թուրքիա՝ հոկտեմբերին ֆուտբոլային հանդիպումը դիտելու։
Հոկտեմբերի 14-ին Թուրքիայում տեղի կունենա Հայաստանի և Թուրքիայի ազգային հավաքականների հանդիպումը, որին հրավիրված է Հայաստանի նախագահ Սերժ Սարգսյանը։ Հայաստանի և Թուրքիայի միջև բացակայում են դիվանագիտական հարաբերությունները, իսկ հայ-թուրքական սահմանը փակ է 1993 թվականից՝ պաշտոնական Անկարայի նախաձեռնությամբ։
Հարաբերություններում առաջին տեղաշարժերը նկատվեցին 2008 թ.-ի սեպտեմբերի 6-ին, երբ Թուրքիայի նախագահ Աբդուլա Գյուլը ՀՀ նախագահ Սերժ Սարգսյանի հրավերով առաջին անգամ այցելեց Երևան՝ 2010 թ.-ի աշխարհի առաջնության ընտրական փուլի շրջանակներում Հայաստանի և Թուրքիայի հավաքականների միջև ֆուտբոլային հանդիպումը դիտելու նպատակով։ Այցի ընթացքում երկու պետությունների ղեկավարները քննարկեցին երկկողմ հարաբերությունների հաստատման հնարավորությունները։-0-
